ពិភពសំបូរបែប

Tuesday, October 20, 2015

កុំព្យូទ័រ MSI ស៊េរីថ្មីទម្ងន់ស្រាលជាងមុន តែសមត្ថភាពខ្លាំងមិនធម្មតា

ប្រភពមកពី សប្បាយ កុំព្យូទ័រ MSI ស៊េរីថ្មីទម្ងន់ស្រាលជាងមុន តែសមត្ថភាពខ្លាំងមិនធម្មតា

21 Oct, 2015 08:13

0 Comment (s)

កុំព្យូទ័រមួយចំនួនដែលមានសមត្ថភាពខ្លាំងគឺតែងតែមានទម្ងន់ធ្ងន់ពិបាកយកតាមខ្លួន ប៉ុន្តែចំពោះកុំព្យូទ័រ MSI ស៊េរីថ្មីវិញមានទម្ងន់ស្រាលព្រមទាំងមានសមត្ថភាពខ្លាំងអស្ចារ្យទៀតផង។

បើតាមការប្រកាសរបស់ក្រុមហ៊ុនបានឲ្យដឹងថា កុំព្យូទ័រ MSI GS40 Phantom ថ្មីនេះមានទម្ងន់ស្រាលជាងគេសម្រាប់ប្រភេទកុំព្យូទ័រនេះ គឺត្រឹមតែ ១,៦គ.ក និងមានកម្រាស់ត្រឹមតែ២២ម.មប៉ុណ្ណោះ។ គេបានបំពាក់នូវ CPU ជំនាន់ចុងក្រោយបំផុតរបស់ក្រុមហ៊ុន Intel គឺ Skylake Core i7-6700HQ មានល្បឿនដល់ទៅ 3.5GHz។ មិនតែប៉ុណ្ណោះក៏មានបំពាក់ RAM ប្រភេទ DDR4 ទំហំធំដល់ទៅ១៦GB និងមានអង្គចងចាំសម្រាប់ផ្ទុកទិន្នន័យប្រភេទ SSD ទំហំ១២៨GB រួមទាំងប្រភេទ HHD ទំហំ 1TB ផងដែរ។

ចំពោះអេក្រង់របស់វាមានទំហំ១៤អ៊ីញ កម្រិត Full HD ដោយប្រើប្រាស់ក្រាហ្វិកប្រភេទ NVIDIA GTX 970M ទំហំ ៣GB។ ក្រៅពីសមត្ថភាពដ៏អស្ចារ្យទាំងនេះ គេក៏បានបំពាក់នូវប្រព័ន្ធសំឡេងពិសេសៗមួយចំនួន ដែលអាចបញ្ចេញសំឡេងបានច្បាស់ល្អ។

ត្បិតតែកុំព្យូទ័រនេះមានទម្ងន់ស្រាលក៏ពិតមែន ប៉ុន្តែតម្លៃរបស់វាមិនជាស្រាលប៉ុន្មាននោះទេ គឺក្រុមហ៊ុនបានដាក់លក់លើទីផ្សារបរទេសក្នុងតម្លៃ១៥៩៩,៩០ដុល្លារ៕

ប្រដាល់សេរីថ្នាក់ជាតិឆ្នាំនេះទម្ងន់ ៦៣,៥ គីឡូក្រាមគ្មានដៃគូសម្រាប់ ឡៅ ចន្រ្ទា

យកមកពីសប្បាយ ប្រដាល់សេរីថ្នាក់ជាតិឆ្នាំនេះទម្ងន់ ៦៣,៥ គីឡូក្រាមគ្មានដៃគូសម្រាប់ ឡៅ ចន្រ្ទា

21 Oct, 2015 11:10

កីឡាប្រដាល់ជាតិ, ឡៅ ចន្រ្ទា

1 Comment (s)

ជើងខ្លាំងវ័យក្មេង ឡៅ ចន្រ្ទា គិតថា ក្នុងប្រភេទទម្ងន់ ៦៣,៥ គីឡូក្រាមគ្មានគូប្រជែង ដើម្បីដណ្ដើមជើងឯកពីគេឡើយ សម្រាប់ការប្រកួតប្រដាល់សេរីថ្នាក់ជាតិដែលបានរៀបចំតាំង ពីថ្ងៃទី១៩ ហើយគ្រោងនឹងបញ្ចប់ថ្ងៃទី២៨ ខែតុលា ឆ្នាំ២០១៥ ខាងមុខនេះនៅពហុកីឡដ្ឋានជាតិ។

កីឡាករ ឡៅ ចន្ទ្រា

អ្នកប្រដាល់មកពីខេត្តកំពង់ស្ពឺ ឡៅ ចន្ទ្រា បានឲ្យដឹងថា ក្នុងប្រភេទទម្ងន់ដែលគេចូលរួមប្រកួតនេះគ្មានកីឡាកររូបណាដែលធ្វើឲ្យគេព្រួយបារម្ភក្នុងការប្រកួតប្រជែងយកជើងឯកឡើយ។ កាលពីឆ្នាំ២០១៤ កន្លងទៅប្អូនប្រុសរបស់ ឡៅ ស៊ីណាត រូបនេះក៏បានចូលប្រកួតប្រដាល់សេរីជើងឯកថ្នាក់ជាតិនេះដែរ ដោយទទួលលេខ ១ ទៀតផង។

Sunday, August 2, 2015

Ford Ranger 2016 ល្បីថាសមត្ថភាពខ្លាំងមកដល់ខ្មែរហើយ

គ្រាន់តែឮ Ford Ranger ប្រិយមិត្តច្បាស់ដឹងថាជារថយន្តប្រភេទ Pick up ឬ មួយបាំងកន្លះ។ ឥលូវនេះ Ford Ranger ស៊េរីឆ្នាំ ២០១៦ មានដាក់លក់លើទីផ្សារកម្ពុជាហើយក្នុងតម្លៃចាប់ពីជាង ៣ ម៉ឺនដុល្លារឡើងទៅតាមម៉ាស៊ីនតូច ឬធំ។

កំពូលរថយន្ត Pick up ស៊េរីថ្មីនេះត្រូវបានក្រុមហ៊ុន RMA នាំចូលមកលក់ជាផ្លូវការ ដោយមានបំពាក់មកនូវបច្ចេកវិទ្យាដ៏អស្ចារ្យមិនធ្លាប់មានពីមុនដូចជា អេក្រង់ Touch Screen និង អាចភ្ជាប់ទូរសព្ទដៃ ផ្ដល់អគ្គិសនី 240V ប្រព័ន្ធជំនួយលើចង្កូត ប្រព័ន្ធកំណត់ល្បឿននៃការបើកបរ ប្រព័ន្ធផ្ដល់សញ្ញាគ្រោះថ្នាក់ ប្រព័ន្ធជំនួយចូលចតផ្នែកខាងមុខ និងកាមេរ៉ាសុវត្ថិភាពផ្នែកខាងក្រោយនៃរថយន្ត ប្រព័ន្ធត្រួតពិនិត្យនូវសម្ពាធកង់ ប្រព័ន្ធទប់លំនឹងរថយន្តពេលបើកបរក្នុងផ្លូវកោង និងរអិល ប្រព័ន្ធពិនិត្យអ្នកបើកបរមានស្មារតីគ្រប់គ្រាន់ក្នុងការបើកបរ និង ប្រព័ន្ធជំនួយក្នុងការចាប់ហ្វ្រាំងបន្ទាន់ជាដើម។

សម្រាប់ពណ៌មានច្រើនជម្រើសដែលខាងរោងចក្រផលិតតម្រូវតាមអតិថិជនកុម្ម៉ង់។

Thursday, July 30, 2015

ម្លប់ដូង

កូនប្រសារលួចមាន់ (កាយវិការកំប្លែង)

តាវ៉ិចទ័រ អ្នកដឹកនាំ ពែកមី សម្ដែង ឥឡូវ ពែកមី ដឹកនាំវិញម្ដង

សុវណ្ណ រិទ្ធី ហៅតាវ៉ិចទ័រ ដែលជាអ្នកគ្រប់គ្រង និងដឹកនាំក្រុមកំប្លែងនាយ ពែកមី សម្ដែងនោះ ឥឡូវបានក្លាយមកជាអ្នកសម្ដែងក្រោមការដឹកនាំរបស់តារាកំប្លែងមកពីស្វាយរៀងរូបនេះវិញម្ដង ក្រោយលោកសម្រេចហក់ចូលមកសម្ដែងលើកដំបូងក្នុងរឿង “ឪពុក២”។

ដំណើរឆ្ពោះមកសិល្បៈសម្ដែងនេះ ប្រធានគ្រប់គ្រងខាងលើ អះអាងថា ធ្វើតាមការអូសទាញរបស់នាយពែកមី ដែលជាក្រុមការងារក្នុងក្រុមកំប្លែង CTN របស់លោក។ តាវ៉ិចទ័រ បញ្ជាក់ថា នាយពែកមីធ្វើដូច្នេះ ព្រោះតែចង់សងគុណលោកដែលបានជួយឲ្យការងារសម្ដែងរបស់គេមានការរីកចម្រើន។ ប៉ុន្តែមុនដល់ការសម្រេចចិត្ត លោកចំណាយពេលគិតច្រើនដែរ។

“ពែកមី គេសរសេរចប់ គេមកហៅ ដំបូងគេថា បងដើរម៉ារឿងទីអ្ហី បងអ្ហែងថតកុនទៅ ខ្ញុំសរសេរហើយ ខ្ញុំថា អ្ហេមិនកើតទេអ្ហីអាតួ ព្រោះខ្ញុំហៅគេអាតួ តែគេថាមិនអីបងដឹកនាំសម្ដែងធ្វើទឹកមុខអីបានហើយ ហើយក៏មានការស្រុះស្រួលគ្នាទៅ”

លោក សុវណ្ណ រិទ្ធី បន្តថា ការដែលលោកគិតយូរបន្តិច មិនមែនមកពីការប្រកាន់ខ្លួនដែលជាថ្នាក់លើរបស់នាយ ពែកមី ហើយទៅសម្ដែងឲ្យតារាកំប្លែងសម្បូរវោហាររូបនេះដឹកនាំនោះទេ ប៉ុន្តែមកពីលោកមិនប្រាកដខ្លួនឯងថា សម្ដែងបានឬអត់ប៉ុណ្ណោះ។

“ទទឹងទទែងគ្នាម៉ាសន្ទុះដែរហ្នឹងណាស់ ព្រោះធ្លាប់នៅខាងក្រោយកាមេរ៉ា ដល់មកនៅខាងមុខ គឺមានផលវិបាក…គឺយើងមិនអាចមើលឃើញខ្លួនឯងគ្រប់ជ្រុងជ្រោយទេ មនុស្សយើងសូម្បីតែមានកញ្ចក់ ក៏មិនអាចមើលឃើញខ្នងខ្លួនឯងដែរ”។ តាវ៉ិចទ័រ ថ្លែង។

អ្នកគ្រប់គ្រងក្រុមកំប្លែងនាយ ពែកមី រូបនេះ គឺតួឪពុកម្នាក់ក្នុងចំណោម២នាក់របស់សាច់រឿង។ ការសម្ដែងទាំងអស់ គឺទៅតាមការដឹកនាំរបស់នាយ ពែកមី។ តាវ៉ិចទ័រ អះអាងថា លោកបានដាក់ចិត្តរួចស្រេចហើយចំពោះការសម្ដែងពេលនោះ ដែលចាំបាច់ត្រូវទៅតាមអារម្មណ៍របស់អ្នកដឹកនាំ បើទោះមានការបង្គាប់បញ្ជាខ្លះៗក៏ដោយ។

ទោះយ៉ាងនេះក្ដី នាយ ពែកមី ថ្នាក់ក្រោមរបស់លោក ក៏បានសុំទោសជាមុនដែរ។ លោក សុវណ្ណ រិទ្ធី ថ្លែងថា

“គាត់សុំទោស ថាបងសុំទោស…កាលណាខ្ញុំចង់បានអញ្ចេះ…ខ្ញុំថា មិនអីទេម៉ាស្រឡាញ់ បើយើងនៅប្រកាន់ឥរិយាបថអញ្ចេះអញ្ចុះ យើងអត់ទៅមុខទេ។ ហើយខ្ញុំសប្បាយរីករាយ ដែលគេ ក្លាយជា Director ហើយជ្រើសរើសខ្ញុំ។ ខ្ញុំសប្បាយរីករាយដែលគាត់ជាកូនចៅ ហើយគាត់មានទេពកោសល្យចាប់យកការងារដែលយើងធ្លាប់ធ្វើ មកធ្វើខ្លួនគាត់ម្ដង”

ក្រោយឆ្លងកាត់ការសម្ដែងលើកទី១នេះ សុវណ្ណ រិទ្ធី ហៅថា តាវ៉ិចទ័រ ឲ្យដឹងថា លោកត្រៀមសម្រាប់ការសម្ដែងនាពេលខាងមុខបន្តបន្ទាប់ទៀត ប្រសិនបើផលិតកម្មនានាត្រូវការ និងយល់ថាលោកសម្ដែងបាន គឺលោកទទួល។ ប៉ុន្តែក៏ត្រូវចំពេលដែលលោកអាចឆ្លៀតពីការងាររបស់លោកនៅ CTN បានដែរ៕

ពែកមី ខកចិត្តពេលឈុតខ្លះក្នុងរឿងទី២របស់លោកត្រូវកាត់ចោល

ស្គាល់ស្ដេចប្រដាល់ Muay Thai ទាំង១០ក្នុងប្រទេសថៃនេះអត់?

ប្រដាល់សេរី Muay Thai ជាប្រភេទកីឡាដ៏ពេញនិយមក្នុងប្រទេសថៃ។ កីឡាករប្រភេទនេះ ត្រូវបានប្រជាជនថៃលើកកម្ពស់ខ្លាំង ព្រោះមានកីឡាករល្អៗច្រើនដែលបានសាងកេរ្តិ៍ឈ្មោះជូនជាតិនៅលើឆាកអន្តរជាតិ។ ខាងក្រោមនេះ ជា Legends របស់ប្រទេសថៃ១០រូប ដែលគេហទំព័រ MMA Insider បានចាត់ថ្នាក់៖

១. Samart Payakaroon

Samart Payakaroon ជាកំពូលកីឡាករម្នាក់របស់ប្រទេសថៃ។ រូបលោកធ្លាប់បានឈ្នះពានរង្វាន់ជាច្រើនដូចជា Sports Writers Fighter , Western Boxing និង WBC Super Bantamweight ជាដើម។ កំណត់ត្រារបស់ Samart គឺ ឈ្នះ ១២៩ដង ចាញ់១៩ដង និងស្មើ២ដង។

២. Dieselnoi Chor Thanasukarn

Dieselnoi ជាកីឡាករដែលអាចកាន់ខ្សែក្រវាត់ Lumpinee lightweight បាន៤ឆ្នាំ អំឡុងឆ្នាំ ១៩៨១ដល់១៩៨៥ ។ អ្នកប្រដាល់រូបនេះ មានកំណត់ត្រាឈ្នះ ១១០ដង ចាញ់ ១០ដង និងស្មើ២ដង។ លោក Dieselnoi ព្រមចូលនិវត្តន៍ដោយសារតែគ្មាននរណាហ៊ានប្រកួតជាមួយ។

៣. Saenchai Sor Kingstar

Saenchai ចូលប្រឡូកកីឡាប្រដាល់នេះតាំងពីតូច ហើយបច្ចុប្បន្នរូបគេមានវ័យ៣៤ឆ្នាំហើយ មិនទាន់ចូលនិវត្តន៍ទេ។ កីឡាករលើកពាន Lumpinee នៅវ័យ១៥ឆ្នាំរូបនេះ ធ្លាប់ផ្ដួលជើងខ្លាំង២រូបក្នុងពេលតែមួយគឺ Sagetdao Petpayathai និង Petchboonchu ដោយប្រើពេល៥ទឹក (ពេលនោះលោកជាអ្នកស្នើការប្រកួត២ទល់១ រយៈពេល៥ទឹក)។ ចំពោះកំណត់ត្រារបស់ជើងខ្លាំងរូបនេះ ឈ្នះ២៨៥ដង ចាញ់៥២ដង និងស្មើ២ដង។

៤. Namsaknoi Yudthagarngamtorn

Namsaknoi មានរហស្សនាមថា The Emperor ហើយអ្នកប្រដាល់រូបនេះបានកាន់កាប់ខ្សែក្រវាត់ Lumpinee Lightweight បានរយៈពេល៥ឆ្នាំ។ ចំពោះកំណត់ត្រារបស់កីឡាកររូបនេះគឺឈ្នះ ២៨៥ដង និងចាញ់១៥ដងល្អជាងកីឡាករណាៗទាំងអស់។

៥. Orono Wor Petchpun

Orono ជាកីឡាករដែលធ្លាប់ផ្ដួលជើងខ្លាំងជាច្រើនដូចជា Saenchai Sor Kingstar , Yodsaenklai Fairtex និង Buakaw Por Pramuk ជាដើម។ អ្នកប្រដាល់ដែលចាប់ផ្ដើមហ្វឹកហាត់តាំងពីវ័យ១៥ឆ្នាំរូបនេះធ្លាប់ឈ្នះពានជាច្រើន ហើយចំពោះកំណត់ត្រារបស់លោកវិញគឺ ឈ្នះ១២០ដង ចាញ់៣៦ដងនិងស្មើ៣ដង។

៦. Kongtoranee Payakaroon

Kongtoranee ជាបងប្រុសរបស់កីឡាករ Samart Payakaroon ហើយក៏ជាអ្នកខ្លាំងមួយរូបដែរ។ ចំពោះកំណត់ត្រារបស់លោកគឺ ឈ្នះ២០០ដង និងចាញ់៧៤ដង។

៧. Nontachai Sit O

Nontachai ជាជើងខ្លាំងដែលធ្លាប់ឈ្នះពានជាច្រើន ទាំងការប្រកួតក្នុងស្រុក និងក្រៅស្រុក។ ចំពោះកំណត់ត្រារបស់កីឡាកររូបនេះមិនបានដឹងច្បាស់នោះទេ គ្រាន់តែដឹងថាធ្លាប់ប្រកួតបាន២៥០ដង។

៨. Sagetdao Petphayathai

Sagetdao ធ្លាប់ឈ្នះកំពូលកីឡាករជាច្រើនក្នុងអាជីពរបស់លោកដូចជា Saenchai Sor Kingstar , Petboonchu , Nong-O Gaiyagandao , Singdam Kiatmoo9 , Penek Sitnumnoi និង Anuwat Kaewsamrit ជាដើម។ កីឡាកររូបនេះហើយដែលបំបាក់ Kevin Ross យកខ្សែក្រវាត់ WBC Diamond super lightweight ។ ចំពោះកំណត់ត្រា Sagetdao វិញគឺ ឈ្នះ១៦២ដង ចាញ់៦២ដងនិងស្មើ១ដង។

៩. Pornsanae Sitmonchai

Pornsanae ជាជើងខ្លាំង ដែលធ្លាប់បានខ្សែក្រវាត់ជាច្រើនដូចជា super bantamweight , Lumpinee champion និង Rajadmnern super flyweight ជាដើម។ ចំពោះកំណត់ត្រារបស់កីឡាកររូបនេះគឺឈ្នះ២០០ដង ចាញ់៥៤ដងនិងស្មើ៨ដង។

១០. Buakaw Por Pramuk

Buakaw មិនធ្លាប់ឈ្នះខ្សែក្រវាត់នៅ Rajadamnern និង Lumpinee ទេ ប៉ុន្តែដោយសារតែកីឡាកររូបនេះធ្លាប់ឈ្នះនៅពានរង្វាន់ K-1 Max នៅជប៉ុន២ដង ឆ្នាំ២០០៤និង២០០៦ ទើបធ្វើឱ្យអ្នកប្រដាល់រូបនេះមានប្រជាប្រិយភាពខ្លាំង។ ចំពោះកំណត់ត្រារបស់គេវិញគឺឈ្នះ ២៥៧ដង ចាញ់៤១ដង និងស្មើ១២ដង៕

Thursday, July 23, 2015

អេ ភូថង អួលដើមក ក្រោយទទួលបានម៉ូតូថ្មី ១គ្រឿងពីលោក ឧកញ៉ា ប៉ែន កាក់

ភ្នំពេញ៖ អតីតកីឡាករជើងខ្លាំង ប្រចាំប្រទេសកម្ពុជា លោក អេ ភូថង បានសម្ដែងការសប្បាយចិត្ត និងរំភើបរីករាយ ជាខ្លាំងរហូតនិយាយអួលដើមក បន្ទាប់ពីមានសប្បុរសជន ម្នាក់ឈ្មោះ ប៉ែន កាក់ បានឧបត្ថម្ភម៉ូតូស៊េរីថ្មី ១គ្រឿងដល់ គ្រួសាររបស់ខ្លួន ដើម្បីធ្វើជាមធ្យោបាយធ្វើដំណើរ ទៅបំពេញការងារផ្សេងៗ ។

នៅព្រឹកថ្ងៃទី២១ កក្កដានេះ លោក អេ ភូថង បានថ្លែងប្រាប់គេហទំព័រ LookingTODAY ឲ្យដឹងថា កាលពីថ្ងៃមុនលោកឧកញ៉ា ប៉ែន កាក់ បានទាក់ទងលោក ដោយបានប្រាប់ អំពីការឧបត្ថម្ភម៉ូតូ ១គ្រឿងដល់គ្រួសាររបស់ខ្លួន ប៉ុន្ដែដោយសារជាប់ រវល់បំពេញការងារ អតីតអ្នកលេងកែងឆេះ-ជង្គង់ហោះ ដ៏ស្ទាត់ជំនាញរូបនេះ មិនបានទៅជួបលោក ប៉ែន កាក់ ភ្លាមៗឡើយ រហូតដល់ថ្ងៃទី២០ ខែកក្កដាម្សិលមិញ ទើបលោកធ្វើដំណើរទៅផ្ទះលោក ប៉ែន កាក់ ហើយម្ចាស់ជំនួយរូបនេះ ក៏បានប្រគល់ម៉ូតូស៊េរីថ្មី ១គ្រឿងម៉ាក PCX ដល់កីឡាករ អេ ភូថង ទៅតាមការសន្យាតែម្ដង ។

លោក អេ ភូថង បានបញ្ជាក់ថា «ខ្ញុំមានអារម្មណ៍សប្បាយរីករាយខ្លាំងណាស់ នៅពេលលោកឧកញ៉ា ប៉ែន កាក់ ទាក់ទងខ្ញុំ ហើយនិយាយថា គាត់នឹងឧបត្ថម្ភម៉ូតូ ១គ្រឿងឲ្យគ្រួសារខ្ញុំ ។ នៅពេលខ្ញុំទៅទទួលម៉ូតូពីគាត់ ខ្ញុំស្ទើតែនិយាយមិនចេញ និងរំភើបចិត្តស្ទើរស្រក់ទឹកភ្នែក ព្រោះនេះគឺជាអំណោយធំលើកដំបូង ដែលខ្ញុំបានទទួលពីសប្បុរសជន ជាពិសេស គឺលោកឧកញ៉ា ប៉ែន កាក់»។

អតីតកីឡាករធ្លាប់ផ្ដួល អ្នកលេងបរទេស មិនញញើតដៃរូបនេះ បានបន្ដថា «ខ្ញុំគ្មានអ្វីតបស្នងសងគុន លោកឧកញ៉ា ប៉ែន កាក់ ឡើយ ក្រៅពីម្រាមដៃដប់ លើកថ្លៃងអំណរគុណ ចំពោះលោកឧកញ៉ា និងជូនពរឲ្យលោកឲ្យ ជួបតែសេចក្ដីសុខ ដែលលោកបានជួយដោះស្រាយ បញ្ហាជីវភាពក្នុងគ្រួសាររបស់ខ្ញុំ» ។ អេ ភូថង បន្ថែមថា នៅថ្ងៃទី២៧ កក្កដាខាងមុខ ខ្លួននឹងទៅជួបជាមួយ ព្រះតេជគុន សាន សុជា ព្រោះកាលពីថ្ងៃមុន ព្រះអង្គ ក៏បានទាក់ទងមកលោក ដើម្បីឧបត្ថម្ភអំណោយខ្លះ ដើម្បីជួយសម្រាលជីវភាពគ្រួសារ របស់លោកផងដែរ ។
ជាមួយគ្នានេះលោក ប៉ែន កាក់ ក៏បានសរសេរនៅលើ Facebook ផ្ទាល់ខ្លួនដែរថា «នេះជាអំពើល្អ ដែលខ្ញុំបាទតែងតែធ្វើជាប្រចាំ ហើយម៉ូតូនេះ គឺជាលើកទី១៦ហើយ ដែលខ្ញុំបាទ បានបរិច្ចាគសំរាប់អ្នកតស៊ូបំរើជាតិ ហើយមានការ ខ្វះខាត ជាពិសេសដូចជា លោក អេ ភូថង ។ ថ្ងៃនេះគាត់លែងពិបាក ទៅបង្ហាត់សិស្សនឹងទៅបំពេញភារកិច្ចជាអាជ្ញាកណ្ដាល តាមប៉ុស្តិ៍ទូរទស្សន៍នានា ដើម្បីបានកម្រៃចិញ្ចឹមគ្រួសារ នឹងបន្តអាជីពជាគ្រូបង្វឹកតទៅទៀត ។ ថ្វីត្បិតវាមិនច្រើន ឲ្យតែជួយអ្នកខ្វះខាតបាន ខ្ញុំមិនកន្តើយនឹងជួយអ្នកខ្វះខាត និងជាតិឡើយ » ៕

Wednesday, July 22, 2015

បាត់មួយថ្ងៃ បងប្អូនដើររក ឃើញចងក លើដើមស្វាយ

កំពង់ស្ពឺ ៖ បុរសម្នាក់ ដែលត្រូវសាច់ញាតិ អះអាងថា កើតជំងឺសរសៃប្រសាទ បានចង កសម្លាប់ខ្លួន នៅលើ មែកស្វាយ ក្នុងដីឡូត៍ផ្ទះ អ្នកជិតខាងចម្ងាយពីភូមិប្រហែល១០០ម៉ែត្រ កាលពីល្ងាចថ្ងៃទី២១ ខែកក្កដា ឆ្នាំ២០១៥ ស្ថិតនៅភូមិវាលវង់ ឃុំមហាឫស្សី ស្រុកគង ពិសី ខេត្ដកំពង់ស្ពឺ ។

យោងតាមមន្ដ្រីនគរបាល មូលដ្ឋានបាន បញ្ជាក់ថា ជនរងគ្រោះឈ្មោះឡឹក ដេត អាយុ ៤៩ឆ្នាំ រស់នៅភូមិ ព្រៃធ្លោយ ឃុំមហា ឫស្សី ដែលជនរងគ្រោះបានដើរចេញពីផ្ទះ កាលពីថ្ងៃទី២០ ខែកក្កដា បន្ទាប់មកបងប្អូន បាននាំគ្នាដើររក ក៏ប្រទះឃើញចងកសម្លាប់ ខ្លួននៅលើមែកស្វាយតែម្ដង ។

ក្រោយប្រទះឃើញសពជនរងគ្រោះសាច់ ញាតិបានរាយការណ៍ទៅសមត្ថកិច្ចមូលដ្ឋាន មកពិនិត្យនិង ធ្វើកោសល្យវិច័យ គឺពិតជា អំពើអត្ដឃាតប្រាកដមែន រួចហើយបាន ប្រគល់សពទៅឱ្យក្រុមគ្រួសារ យកទៅធ្វើ បុណ្យតាមប្រពៃណី ។

Samsung នឹងប្រកាស Note 5 និង S6 Edge Plus នៅថ្ងៃទី១៣ខែក្រោយ

កន្លងទៅថ្មីៗនេះ មានពាក្យចចាមអារ៉ាមបានឲ្យដឹងថា ទូរសព្ទជំនាន់បន្ទាប់របស់ក្រុមហ៊ុន Samsung គឺ Samsung Galaxy Note 5 នឹងប្រកាសជាផ្លូវការនៅថ្ងៃទី១២ ខែសីហាខាងមុខនេះ។

ឥឡូវនេះស្រាប់តែមានរបាយការណ៍ថ្មីមួយបានឲ្យដឹងកាន់តែច្បាស់ទៀតថា ក្រុមហ៊ុន Samsung នឹងធ្វើសន្និសិទ្ធកាសែតនៅក្នុងទីក្រុង New York នៅថ្ងៃទី១៣ ខែសីហាខាងមុខនេះ ហើយក្នុងព្រឹត្តិការណ៍នោះ ក្រុមហ៊ុនក៏នឹងធ្វើការប្រកាសនូវទូរសព្ទជំនាន់ថ្មីរបស់ខ្លួន គឺ Samsung Galaxy Note 5 និង Samsung Galaxy S6 Edge Plus ផងដែរ។

តាមពាក្យចចាមអាមរ៉ាមកន្លងទៅបានឲ្យដឹងថា លក្ខណៈសម្បត្តិរបស់ Samsung Galaxy Note 5 នឹងបំពាក់ដោយអេក្រង់ទំហំ ៥,៧ អ៊ីង ប្រភេទ Quad HD Display ជាមួយនឹងកម្រិត Resolution 2560 x 1440 ភិចស៊ែល។ បន្ថែមទៅទៀតនោះ Galaxy Note 5 នឹងភ្ជាប់ CPU ប្រភេទ Exynos 7422 ទំហំ RAM 4GB កាមេរ៉ាក្រោយទំហំ 16 MP ជាមួយនឹងមុខងារ OIS។ ចំពោះទំហំផ្ទុកទិន្នន័យវិញគឺប្រហែលចាប់ពី 32GB ទៅ 128GB និងដំណើរការដោយប្រព័ន្ធប្រតិបត្តិការ Android Lollipop។

ចំណែកឯ Galaxy S6 Edge Plus នឹងបំពាក់ដោយអេក្រង់ទំហំ ៥,៧ អ៊ីង និង CPU ប្រភេទ Exynos 7420 ទំហំ RAM 3GM និងកាមេរ៉ាក្រោយទំហំ 16 MP កាមេរ៉ាមុខទំហំ 5 MP ទំហំផ្ទុកទិន្នន័យចាប់ពី 32GB ទៅ 128GB និង ដំណើរការដោយប្រព័ន្ធប្រតិបត្តិការ Android 5.1 Lollipop ជាមួយនឹង UI ប្រភេទ TouchWiz៕

អានបន្ត៖ បែកធ្លាយរូបភាព Galaxy S6 Edge Plus ចុងក្រោយកាន់តែច្បាស់

ស្ងាត់ៗ នៅ ស៊ីនឿន បង្កើតក្រុមតន្ត្រីបានមួយវង់បាត់!

“បាទអូន ឥឡូវបងបានបង្កើតក្រុមតន្ត្រីមួយវង់សម្រាប់ឲ្យពុកម៉ែបងប្អូនជួលក្នុងពិធីមង្គលការ និងពិធីជប់លៀងផ្សេងៗ។ ស៊ីនឿន ប្រាប់មក Sabay។

គិតមកដល់ពេលនេះគឺមានរយៈពេលជិតបួនខែហើយ ដែលក្រុមតន្ត្រី នៅ ស៊ីនឿន សប្បាយៗ របស់ខ្ញុំបានបង្កើតឡើង។” លោកបានបន្តថា៖”នេះគ្រាន់តែជាមុខរបរមួយទៀតបន្ទាប់ពីមានអាជីពជាអ្នកចម្រៀង និងជាម្ចាស់ហាងកាត់ដេរព្រោះវាអាចបង្កើនប្រាក់ចំណូលបានមួយកម្រិតទៀត។

បន្ទាប់ពីបានបើកហាងកាត់សំលៀកបំពាក់មួយកន្លែងកាលពីជាងមួយឆ្នាំមុនឃើញថាទទួលបានការគាំទ្រពីសំណាក់បងប្អូន ចឹងហើយខ្ញុំក៏សម្រេចចិត្តបើកជាក្រុមតន្ត្រីដែលសរុបជាថវិកាទាំងអស់ជាង ៣០០០០ ដុល្លារ លើការទិញសម្ភារផ្សេងៗ។ ”

កំលោះសង្ហារូបនោះបានបន្ថែមទៀតថា”ថ្វីត្បិតតែបានបង្កើតវង់តន្ត្រីផ្ទាល់ខ្លួនក៏ពិតមែន តែអាជីពជាតារាចម្រៀងនៅផលិតកម្មរស្មីហង្សមាសនៅបន្តធម្មតា ហើយនៅពេលខាងមុខដ៏ខ្លីនេះខ្ញុំបានត្រៀមចេញអាល់ប៊ុមថ្មី ព្រោះរៀងស្ងាត់យូរមកហើយដែរ។ ”

ទាក់ទងនឹងបញ្ហាស្នេហាវិញ នៅ ស៊ីនឿន បាននិយាយថាមិនទាន់បានគិតគូរទេ ព្រោះចង់ឲ្យអាជីព ក៏ដូចជាមុខរបររលូនទៅមុខជាងនេះសិន៕

កែវ រំចង់ ពិតជាសុំសងសឹកជើងខ្លាំងថៃ Yudsanklai មែន តែអ្នកគាំទ្រខ្លះមិនសង្ឃឹម

ជើងខ្លាំងប្រដាល់សេរីរបស់កម្ពុជា កែវ រំចង់ ពិតជាបានប្រកាសក្នុង Facebook កាលពីម្សិលមិញដើម្បីសុំសងសឹកជើងខ្លាំងថៃ Yudsanklai ដែលខ្លួនបានចាញ់កាលពីដើមឆ្នាំ២០១៤ ក្នុងកម្មវិធី Thai Fight នៅស្រុកថៃ។

កីឡាករ កែវ រំចង់ ប្រកួតកន្លងទៅ

កែវ រំចង់ បានប្រាប់ថា រូបគេចង់ប្រកួតជាមួយកីឡាករ Yudsanklai ម្ដងទៀត ពីព្រោះកាលជួបគ្នាលើកមុននៅប្រទេសថៃនោះ រូបគេមិនទាន់អស់ចិត្តឡើយ។ កាលជួបគ្នាលើកមុននៅប្រទេសថៃ កែវ រំចង់ បានធ្វើដំណើរដោយរថយន្ត ហើយបាត់បង់កម្លាំងច្រើន មុនដល់ថ្ងៃប្រកួតបានសម្រាកពីរថ្ងៃប៉ុណ្ណោះ ហើយក្នុងរយៈពេលសម្រាកពីរថ្ងៃនោះ សុខភាពរបស់គេមិនសូវមានកម្លាំងឡើយ។

កីឡាកររូបនេះបន្តទៀតថា ការស្នើសុំរបស់គេទៅកាន់កីឡាករថៃរូបនោះមិនទាន់ទទួលការឆ្លើយតបវិញឡើយ បញ្ហាបានទៅប្រកួតឬយ៉ាងណាក៏មិនទាន់ប្រាកដដែរ ប៉ុន្តែលើកនេះប្រសិនបើបានទៅប្រកួតជាមួយកីឡាកររូបនេះពិតមែន រូបគេនឹងធ្វើដំណើរតាមយន្តហោះម្ដង ហើយនឹងធ្វើឲ្យបានល្អជាលើកមុន។

កេវ រំចង់ និយាយថា ៖«ខ្ញុំចង់សងសឹកខ្លាំងមែនទែន។ កាលពីលើកមុន ខ្ញុំមិនដឹងពីបច្ចេកទេសរបស់គេ ហើយខ្ញុំចាញ់មកពីខ្ញុំចូលវ៉ៃទាំងច្រឡោតពេក។ លើកនេះវិញ បើបានទៅ ខ្ញុំនឹងប្រើបច្ចេកទេសថ្មីដោយប្រកួតតាមកម្រិតបច្ចេកទេសកណ្ដាប់ដៃ និងមិនច្រឡោត»។

Yudsanklai និង កែវ រំចង់

ទន្ទឹមជាមួយគ្នា អ្នកគាំទ្រមួយចំនួនបានលើកទឹកចិត្ត និងគាំទ្រដល់ កែវ រំចង់ ដែលបានហ៊ានប្រកាសសងសឹក ទោះជាដឹងថា កីឡាករថៃម្នាក់នេះខ្លាំងក៏ដោយ ហើយក៏សំណូមពរឲ្យប្រកួតនៅស្រុកខ្មែរប្រសើរជាង។ ទោះយ៉ាងណា ក៏មានអ្នកគាំទ្រខ្លះមិនពេញចិត្តការប្រកាសសងសឹករបស់កីឡាករកម្ពុជាម្នាក់នេះឡើយ ពីព្រោះមិនសង្ឃឹមទទួលបានលទ្ធផលល្អ។

អ្នកគាំទ្រម្នាក់បានសរសេរថា ៖«ទៅទៅបេីមិនសន្លប់ទៀត ឲ្យធាក់»។ អ្នកគាំទ្រម្នាក់ទៀតសរសេរថា ៖«មិនងាយនឹងឈ្នះគេបានទេ លុះត្រាតែគេសន្លប់ ហើយបើវាយនៅស្រុកខ្មែរអាចល្អមើល»។ ចំពោះលោក ម៉ា សេរី ប្រធានកីឡានៅស៊ីធីអិនបានសរសេរថា ៖«ជួយប្រកាសតាម fb ឲ្យផង គាត់ចង់ប្រឡងចំរៀងជាមួយ ខេមរៈ សេរីមន្ត»។

កាលដើមឆ្នាំ២០១៤ កីឡាករទាំងពីជួបគ្នានៅប្រទេសថៃក្នុងពេលនោះ កែវ រំចង់បានសន្លប់ក្រោមដៃ Yudsanklai ក្នុងទឹកទី២ក្នុងកម្មវិធី Thai Fight ( មានការប្រកួតចំនួន៣ទឹកមិនពាក់ហ្គង់ដៃ៕

Monday, July 20, 2015

ហេតុអ្វីត្រូវដក Flash ពីរន្ធ USB ដោយធ្វើ Safely Eject ជាមុនសិន?

20 Jul, 2015 13:47

ព័ត៌មានបច្ចេកវិទ្យា

0 Comment (s)

មនុស្សភាគច្រើនតែងតែធ្វើការដក Flash ចេញពីរន្ធ USB ដោយចុច Safely Eject ទាំងមិនបានដឹងថាតើការធ្វើបែបនេះអាចជួយអ្វីខ្លះបានដល់អ្នកផង។ អញ្ចឹងដើម្បីបកស្រាយចម្ងល់របស់ប្រិយមិត្ត គេហទំព័រ Gizmodo បានបង្ហាញពីតួនាទីនៃការធ្វើ Safely Eject នេះដូចខាងក្រោម។

Safely Eject គឺមានន័យថា ការដកដោយសុវត្ថិភាព ហើយគេតែងធ្វើវានៅពេលដែលចង់ដក Flash ក៏ដូចជាឧបករណ៍អេឡិចត្រូនិកផ្សេងទៀតចេញពីរន្ធ USB នៃកុំព្យូទ័រ។

Safely Eject នេះមានតួនាទីមួយចំនួនគឺ៖

-កាត់ផ្ដាច់រាល់ទំនាក់ទំនងទាំងអស់រវាង Flash និងកុំព្យូទ័រ

-អាចឲ្យអ្នកប្រើប្រាស់ដឹងថា ការ Copy ឯកសារកំពុងស្ថិតនៅក្នុងដំណើរការ ដូច្នេះមិនអាចដក Flash បាននោះទេ

អ្នកប្រើប្រាស់មិនចាំបាច់ធ្វើ Safely Eject ក៏បានប្រសិនបើយើងគ្រាន់តែបើកមើលឯកសារដែលមាន ប៉ុន្តែបើគេធ្វើការ Copy ឬ Cut (ផ្ទេរ) ឯកសារពី Flash នោះចូលទៅកុុំព្យូទ័រ ឬពីកុំព្យូទ័រចូលទៅ Flash វិញ នោះត្រូវធ្វើការ Safely Eject ជាមុនសិន ដើម្បីជៀសវាងការបាត់បង់ឯកសារ។

សូមទស្សនាសកម្មភាពអ្នកគាំទ្រថតជាមួយ ចាន់ វឌ្ឍនាកា

Sunday, July 19, 2015

អ្នកគាំទ្រចោមរោមថតជាមួយរហូត ចាន់ វឌ្ឍនាកា ដោះអាវឲ្យម្សិលមិញ

20 Jul, 2015 10:58

អត្ថបទសំខាន់, ចាន់ វឌ្ឍនាកា, អ្នកគាំទ្រកីឡាកម្ពុជា

2 Comment (s)

បន្ទាប់ពីចប់ការប្រកួតអ្នកគាំទ្របាល់ទាត់ជាច្រើននាក់បានចោមរោមថតរូបជាមួយតារាបាល់ទាត់ឆ្នើម ចាន់ វឌ្ឍនាកា នៅទីលានស្តាតចាស់។ ពេលមានអ្នកគាំទ្រចោមរោមថតជាមួយជាច្រើននាក់ កីឡាករបាល់ទាត់រូបនេះបានដោះអាវឲ្យទៅអ្នកគាំទ្រ។ បន្ទាប់ពីដោះអាវហើយ អ្នកគាំទ្រនៅតែសុំថតជាមួយថែមទៀត។ សម្រាប់ការប្រកួតកាលពីម្សិលមិញ បឹងកេតអង្គរបានឈ្នះស្វាយរៀងដោយលទ្ធផល៥-១។

ចាន់ វឌ្ឍនាកា ចុះហត្ថលេខា លើបដា កាលកម្ពុជាប្រកួតនឹងម៉ាកាវ

Wednesday, July 1, 2015

Media Pad X2 យករូបប្រាសាទអង្គរវត្តធ្វើជារូបភាពលម្អ Wallpaper

ក្រុមហ៊ុន Huawei ដែលជាក្រុមហ៊ុនព័ត៌មានវិទ្យា និងបច្ចេកវិទ្យាទូរគមនាគមន៍ (ICT)ឈានមុខមួយ បានប្រកាសយករូបប្រាសាទអង្គរវត្ត ដែលជាបេតិកភណ្ឌពិភពលោកដ៏ល្បីល្បាញរបស់កម្ពុជាមកធ្វើជា Wallpaper ទៅលើ MediaPad X2 ម៉ូដែលថ្មីរបស់ខ្លួន។

លោក អែម យុទ្ធូ នាយកគ្រប់គ្រងជាន់ខ្ពស់ផ្នែកទីផ្សារប្រចាំប្រទេសកម្ពុជាបានឲ្យដឹង ដោយយោងតាមសេចក្ដីប្រកាសព័ត៌មានមកពីការិយាល័យកណ្ដាលនៅទីក្រុង Shenzhen ប្រទេសចិន ដែលក្រុមហ៊ុន Huawei បានជ្រើសរើសយកប្រាសាទអង្គរវត្តដាក់ជារូបភាពលម្អនៅលើឧបករណ៍ MediaPad X2 ស៊េរីថ្មី។

លោកថា ទំហំអេក្រង់ដ៏ធំ 7 អ៊ីញ របស់ MediaPad X2 នឹងរំលេចភាពស្រស់ស្អាតនៃប្រាសាទអង្គរវត្ត។ អ្នកប្រើប្រាស់ MediaPad X2 ជុំវិញពិភពលោកនឹងបានស្គាល់ពីរតនសម្បត្តិដ៏អស្ចារ្យនៃប្រាសាទអង្គរវត្តរបស់ប្រទេសកម្ពុជា ដែលនឹងជួយបង្កើនប្រជាប្រិយភាពទាក់ទាញភ្ញៀវទេសចរមកទស្សនាច្រើនបន្ថែមទៀត។

MediaPad X2 ជាបន្សំរវាងស្មាតហ្វូន និងថេបប្លេតដែលអ្នកជំនាញហៅឈ្មោះថា phablet។ ឧបករណ៍នេះមានលក្ខណៈពិសេសជាមួយអេក្រង់ទំហំធំ 7 អ៊ីញ ធ្វើឲ្យអាចទស្សនារូបភាពស្រស់ស្អាតដូចជា ប្រាសាទអង្គរវត្ត ឬវីដេអូនិងខ្សែភាពយន្តជាដើម។ MediaPad X2 មានរូបរាងស្តើង កម្រាស់ត្រឹមតែ 7.18mm អាចភ្ជាប់ប្រព័ន្ធ 4G និង Wi-Fi ។

Mediapad X2 ក៏បំពាក់ដោយអង្គប្រតិបត្តិការប្រភេទ 64-bit octa-core ទំហំ 2GHz និងស៊ីភីយូ Kirin 930 របស់ក្រុមហ៊ុន Huawei ដោយផ្ទាល់ជាមួយជីភីយូ (GPU) ប្រភេទ Mali-T628 ផ្តល់ភាពងាយស្រួលដូចជា ការហៅទូរសព្ទចេញជាវីដេអូមានដំណើរការស្រួល មានកម្មវិធីនិងហ្គេមកម្សាន្តច្រើន ព្រមទាំងដំណើរការបានយ៉ាងរលូន។ មិនតែប៉ុណ្ណោះ វាក៏មានក្រាហ្វិកដែលមានល្បឿនលឿន និងដំណើរការប្រកបដោយប្រសិទ្ធភាព ដែលអាចឲ្យលេងហ្គេម ដែលមានកម្រិតក្រាហ្វិកខ្ពស់បានយ៉ាងរីករាយ។

Huawei MediaPad X2 នឹងមានចេញលក់ពីរប្រភេទផ្សេងគ្នានៅទីផ្សារពិភពលោក។ ប្រភេទទីមួយនឹងមាន RAM ទំហំ 2GB និងអង្គចងចាំទំហំ16GB។ ចំណែកមួយទៀតមាន RAM ទំហំ 3GB និងអង្គចងចាំទំហំ 32GB ។ ម៉ូដែលទាំងពីរនេះនឹងភ្ជាប់មកជាមួយកាមេរ៉ាប្រភេទ SLR ដោយកាមេរ៉ាខាងក្រោយមានទំហំ 13MP និងកាមេរ៉ាមុខសម្រាប់ការថត “Selfie” ទំហំ 5MP ។ មាន microSD ទំហំ 128GB និងថាមពលថ្ម 5000mAh ដែលអាចអ្នកប្រើប្រាស់ស្តាប់ចម្រៀងបាន 60 ម៉ោង ទស្សនាវីដេអូបាន 12 ម៉ោង និងលេងអ៊ីនធើណេតបានរហូតដល់ 15 ម៉ោង។ ហ្វាប្លេតនេះ ដំឡើងដោយប្រព័ន្ធប្រតិបត្តិការ Android 5.0 OS ។

MediaPad X2 នឹងមកដល់ទីផ្សារប្រទេសកម្ពុជានៅចុងសប្តាហ៍នេះ។ តាមនាយកគ្រប់គ្រងជាន់ខ្ពស់ផ្នែកទីផ្សារលោក អែម យុទ្ធូបានឲ្យដឹងថា នៅទីផ្សារកម្ពុជាក្រុមហ៊ុននឹងនាំយកតែប្រភេទ RAM ទំហំ 3GB និងអង្គចងចាំទំហំ 32GB ពណ៌មាសតែប៉ុណ្ណោះដែលតម្លៃខ្ទង់ ៣៥៩ ដុល្លារ។

បណ្ឌិតជនជាតិកូរ៉េ ចង់ឲ្យនិស្សិតខ្មែរខ្លាំង IT ដូចនៅកូរ៉េ តាមរយៈ Online

ដោយសារតែប្រព័ន្ធអប់រំនៅកូរ៉េ និង កម្ពុជាមានភាពខុសគ្នា លោក Kim Taekyung បណ្ឌិតជនជាតិកូរ៉េម្នាក់ និង ជានាយកមជ្ឈមណ្ឌល Korea Software HRD ចង់ឃើញនិស្សិតខ្មែរមានគុណភាពអប់រំផ្នែក IT ដូចនៅកូរ៉េដែរ។

ក្នុងឱកាសពិធីចុះអនុសារណៈ នៃការយោគយល់គ្នាជាមួយមជ្ឈមណ្ឌល Korea Software HRD រវាងសាកលវិទ្យាល័យអាស៊ីអឺរ៉ុបកាលពីម្សិលមិញ លោកយល់ថា បើប្រៀបធៀបប្រព័ន្ធអប់រំនៅកូរ៉េ និង កម្ពុជា នៅកូរ៉េសិស្សរៀនពី ៨-១២ ម៉ោង តែនៅកម្ពុជារៀនត្រឹម ៤-៥ ម៉ោងប៉ុណ្ណោះ ដែលជាហេតុផ្នែកមួយធ្វើឲ្យការសិក្សាលើបច្ចេកវិទ្យានៅមានកម្រិត។

ដើម្បីបង្កើនគុណភាពអប់រំ លោកចង់ឲ្យសិស្សនិស្សិត IT នៅកម្ពុជាស្រាវជ្រាវច្រើនបន្ថែមក្រៅពីរៀននៅសាលាឲ្យស៊ីជម្រៅ តាមរយៈប្រព័ន្ធ Internet ជាមួយគេហទំព័រ Khmer Academy ដែលបង្រៀនផ្ដោតលើមុខវិជ្ជាទាក់ទងមុខជំនាញ IT ជាមួយការបង្រៀនជាភាសាខ្មែរផ្ទាល់ អមមកជាមួយវីដេអូដែលមានការពន្យល់យ៉ាងក្បោះក្បាយ។

ចំពោះលោក kwan-Hee Yoo សាស្ត្រាចារ្យកម្រិតបណ្ឌិត នៃសាកលវិទ្យាល័យជុងប៊ុក ( កូរ៉េខាងត្បូង) និយាយថា ធនធានមនុស្សជារឿងសំខាន់ក្នុងការអភិវឌ្ឍន៍សេដ្ឋកិច្ចប្រទេស ដូច្នេះហើយការសម្រួចលើការសិក្សាស្រាវជ្រាវច្រើន ជារឿងល្អសម្រាប់សិស្សនិស្សិត។

លោក ចិន ភីរម្យ អ្នកគ្រប់គ្រងទូទៅនៃមជ្ឈមណ្ឌល Korea Software HRD ប្រាប់ថា Khmer Academy ជារបៀបរៀនបែប E-Learning ដែលសិស្សនិស្សិត IT អាចសិក្សាស្វែងយល់និងរៀនដោយខ្លួនឯង ដើម្បីអាចបណ្ដុះស្មារតីសម្រាប់ការសិក្សាផ្នែក IT កាន់តែប្រសើរថែមទៀត។

Khmer Academy មានមុខវិជ្ជាបង្រៀន ដូចជា របៀបបង្កើតកម្មវិធីលើ iOS , កម្មវិធី Android , ការបង្កើត Website និង ការរចនាឌីហ្សាញ។ គេហទំព័រនេះមានបង្រៀនសរសេរកូដតាំងពីកម្រិតដំបូងដល់កម្រិត ខ្ពស់ដូច ជា Java , SQL , HTML , CSS , JavaScript , jQuery , PHP , C# ជាដើម។ ចំណែកមេរៀន Design មានដូចជា Photoshop និង illustrator រួមទាំងការបង្រៀនពីកម្មវិធីរដ្ឋបាលដូចជា Word , Excel និង PowerPoint។ ជាងនេះទៅទៀត Khmer Academy ក៏មានបង្រៀនភាសាអង់គ្លេស និងភាសាកូរ៉េផងដែរ។

បន្ថែមពីលើនេះ មជ្ឈមណ្ឌល Korea Software HRD និង សាកលវិទ្យាល័យជុងប៊ុក( កូរ៉េខាងត្បូង) ដែលជាដៃគូសហការ ក៏នឹងគ្រោងចុះ MOU ជាមួយសាកលវិទ្យាល័យភូមិន្ទភ្នំពេញ និង សាកលវិទ្យាល័យ IIC ផងដែរ ក្នុងន័យបង្កើនគុណភាពនៃការអប់រំ ការផ្លាស់ប្ដូរនិស្សិត ការផ្លាស់ប្ដូរព័ត៌មាន ការផ្លាស់ប្ដូរសាស្ត្រាចារ្យនិងការចូលរួមសកម្មភាពនានា៕

មេម៉ាយៗ ក្នុងសិល្បៈខ្មែរ សុទ្ធតែតារាល្បី

ទោះបីអាជីពសិល្បៈ កំពុងដំណើរការរលូនទៅមុខយ៉ាងណាក្ដី ប៉ុន្តែ តារាស្រីមួយចំនួនហាក់មិនសូវជោគជ័យក្នុងសង្គមគ្រួសារនោះទេ ដោយក្លាយជាស្ត្រីមេម៉ាយទាំងវ័យក្មេង ក្រោមអំណាចសាលក្រមតុលាការ ឬ ហេតុផលផ្សេងៗទៀត ដែលមិនខុសពីមនុស្សម្នាទូទៅឡើយ។ តើមានតារាស្រីរូបណាខ្លះ មានឈ្មោះជាស្ត្រីមេម៉ាយ?

១. ចន ច័ន្ទលក្ខិណា

២. ម៉េង កែវពេជ្ជតា

៣. កែវ ពេជ្រពិសី

៤. ឈួន សុវណ្ណឆៃ

៥. ព្រំ រដ្ឋា

៦. ព្រីម មន្ថា

៧. ស៊ឹម សូលីនការ

៨. ឌុច សុភា

៩. សុខ ស្រីនាង

១០. អឿន ស្រីមុំ

១១. ខ្ញុង

១២. កែវ នីសា

ទេព្យកោសល

ទេព្យកោសលរបស់កុមារ

Friday, June 26, 2015

ពេលភេទដូចគ្នាអាចរៀបការបាន ប្រធានាធិបតី និងជនល្បីៗអាមេរិកនិយាយអ្វីខ្លះ?

ប្រភពមកពី សប្បាយ ប្រជាជនអាមេរិករាប់សែននាក់ដែលគាំទ្រឲ្យភេទដូចគ្នាអាចរៀបការបាន កំពុងតែអបអរសាទរ ដោយសារតុលាការកំពូលរបស់ប្រទេសនេះបានសម្រេចឲ្យមង្គលការភេទដូចគ្នាក្លាយជាស្របច្បាប់។ ទន្ទឹមនឹងការសាទរនេះ តើបុគ្គលល្បីៗ ជាពិសេសប្រធានាធិបតីអាមេរិក លោក Barack Obama និយាយអ្វីដែរ?

លោក Barack Obama ប្រធានាធិបតីអាមេរិក
“ថ្ងៃនេះគឺជាការបោះជំហានដ៏ធំមួយរបស់យើងឆ្ពោះទៅរកភាពស្មើគ្នា។ ភេទទីបី ទាំងបុរសស្រលាញ់បុរស ទាំងនារីស្រលាញ់នារី ឥឡូវនេះមានសិទ្ធិរៀបការបានហើយ ដូចគេដូចឯងដែរ”។

Obama

លោក Jesse Tyler Ferguson តារាភាពយន្តអាមេរិក
“សេចក្ដីរំភើបមួយចំពោះភាពស្មើគ្នាក្នុងការរៀបមង្គលការបានកើតមានហើយនៅអាមេរិក។ វាជាថ្ងៃប្រវត្តិសាស្ត្រ! សេចក្ដីស្រលាញ់តែងតែឈ្នះជានិច្ច”។
ELLE Women In Television Event - Red Carpet

ELLE Women In Television Event - Red Carpet

អ្នកស្រី Hillary Clinton ភរិយាអតីតប្រធានាធិបតី Bill Clinton
“ពិតជាមោទនភាពចំពោះជ័យជំនះជាប្រវត្តិសាស្ត្រសម្រាប់សិទ្ធិស្មើគ្នាក្នុងការរៀបមង្គលការនេះ ហើយនេះក៏ជាការលើកទឹកចិត្ត និងការប្ដេជ្ញារបស់ភេទទីបីអាមេរិក ដែលបានទាមទារឲ្យច្បាប់នេះក្លាយជាការពិត”។

នាង Anna Kendrick តារាចម្រៀង និងជាតួសម្ដែង
“នេះគឺជាថ្ងៃដ៏អស្ចារ្យមួយ!”

លោក Matt Bomer តារាភាពយន្តអាម៉េរិកាំង
“ការស្រលាញ់តែងឈ្នះជានិច្ច។ ថ្ងៃនេះគឺជាការបោះជំហានទៅមុខដ៏ធំមួយសម្រាប់ប្រទេសយើង ហើយនឹងគ្រួសាររបស់យើង។ ខ្ញុំរីករាយ និងអរគុណជាខ្លាំង”៕

deadline

ចុះភេទទីបីនៅកម្ពុជាវិញចង់បញ្ចេញមតិអ្វីទាក់ទងនឹងការរៀបមង្គលការភេទដូចគ្នាក្លាយជាស្រពច្បាប់នៅអាមេរិក?

Monday, June 15, 2015

ធ្វើជានគរបាល បម្រើជាតិជាង២០ឆ្នាំ រស់នៅក្នុងខ្ទមកំសត់ ត្រូវភ្លើងឆេះខ្ទេច

ស្នងការ ខេត្តកំពង់ចាម ស្វែងរកជំនួយ ជាបន្តបន្ទាប់ បានជាង១ពាន់ដុល្លារ

កំពង់ចាម ៖ មន្រ្តីនគរបាល ប៉ុស្តិ៍ជើងព្រៃ នៃអធិការដ្ឋាននគរបាល ស្រុក បាធាយ ខេត្តកំពង់ចាម លោក ស សុខជា ថ្នាក់ព្រឹន្ទបាលឯក ដែលបច្ចុប្បន្ន រស់នៅ ក្នុងខ្ទមដ៏តូចមួយ ប្រកស្លឹក និងជញ្ជាំងស្លឹក ជាមួយប្រពន្ធ និង កូនចំនួន ២នាក់នោះ ឥឡូវកំពុងតែ ប្រឈមមុខ នឹងបញ្ហាជីវភាព យ៉ាងខ្លាំង ក្រោយពេលដែលខ្ទម ដែលគាត់កំពុងរស់នៅនោះ ត្រូវព្រះអគ្គី លេបយក ទៅអស់ គ្មានសល់ នាថ្ងៃទី៦ ខែឧសភា ឆ្នាំ២០១៥ នេះ ។

បម្រើជា មន្រ្តីនគរបាល អស់រយះជាង២០ឆ្នាំ លោក ស សុខជា ទើបតែបានស័ក្តិពាក់ ជាថ្នាក់ព្រឹន្ទបាលឯកប៉ុណ្ណោះ ហើយបច្ចុប្បន្ន រស់នៅក្នុងខ្ទមស្លឹក ដែលមាន ទំហំប្រវែង ៤ម៉ែត្រ គុណនឹង៤ម៉ែត្រប៉ុណ្ណោះ ពោលដេក ក៏នៅក្នុងខ្ទម ដាំ ស្លក៏នៅក្នុងខ្ទម យ៉ាងកំសត់វេទនា ពិបាកភ្នែកមើលណាស់ ។

លោក ស សុខជា និងក្រុមគ្រួសារ បច្ចុប្បន្នរស់នៅ ភូមិអណ្តូងស្នាយ ឃុំជើងព្រៃ ស្រុកជើងព្រៃ ខេត្តកំពង់ចាម ប៉ុន្តែក្រោយមានករណីភ្លើងឆេះ ក៏ត្រូវលោក ស្នងការ ឲ្យមកនៅកន្លែងប៉ុស្តិ៍ ជាបណ្តោះអាសន្ន។

ចំពោះបញ្ហាដែល កំពុងកើតមានឡើង ទៅលើមន្រ្តី នគរបាលរបស់ខ្លួន ខាងលើនេះ ស្នងការ នគរបាល ខេត្តកំពង់ចាម លោកឧត្តមសេនីយ៍ បែន រ័ត្ន ក្រៅពីបានជួយ ឧបត្ថម្ភថវិកា ផ្ទាល់ខ្លួនចំនួន២០០ដុល្លារនោះ លោកឧត្តមសេនីយ៍ ស្នងការ ក៏បានអំពាវនាវដល់ ថ្នាក់ដឹកនាំ នគរបាល និងសប្បុរសជននានា នៅក្នុងខេត្តឲ្យជួយផងដែរ ។

គិតត្រឹមល្ងាចថ្ងៃទី៦ ខែឧសភា ឆ្នាំ២០១៥នេះ លោកស្នងការ បែន រ័ត្ន បានបញ្ជាក់ថា ថវិកាដែលបានជួយបរិច្ចាគ ដល់មន្រ្តី នគរបាល ដ៏កំសត់ខាងលើនេះ បានជាង១ពាន់ដុល្លារហើយ និង កំពុងបន្ត ស្វែករកជំនួយ បន្ថែមទៀត ក្រែងបានសាងសង់ផ្ទះមួយកន្លែង រស់នៅ បានសមរម្យ នៅក្នុងសង្គម។

ចំពោះថវិកាទាំងនេះ លោកស្នងការ បានចាត់ ឲ្យលោក ស្នងការរង នគរបាលខេត្ត ជា ជាង នឹងនាំយកទៅប្រគល់ជូន ដល់មន្រ្តី នគរបាលរូបនេះ នាថ្ងៃទី៨ ខែឧសភា ឆ្នាំ២០១៥ ខាងមុខ។

យោងតាមលោក ស្នងការនគរបាល ខេត្តកំពង់ចាម ថ្នាក់ដឹកនាំ និង សប្បុរសជន ដែលបាន ជួយដល់មន្រ្តី នគរបាលដែលកំសត់រូបនេះ រួមមាន ថ្នាក់ការិយាល័យ កណ្តាល ចំនួន២០ម៉ឺនរៀល ការិយាល័យ ចរាចរណ៍ ផ្លូវគោក ចំនួន២០ម៉ឺនរៀល ការិយាល័យ ចរាចរណ៍ផ្លូវទឹក ចំនួន១១ម៉ឺនរៀល ការិយាល័យ ចំការកៅស៊ូ ចំនួន១០ម៉ឺនរៀល ការិយាល័យ សណ្តាប់ធ្នាប់ ចំនួន១០ម៉ឺនរៀល ការិយាល័យ ទេសចរណ៍ ៥ម៉ឺនរៀល នាគរាជ០១ ចំនួន ២០ម៉ឺនរៀល បក្សី០១ ចំនួន៥០ដុល្លារ នាគព័ន្ធ០១ ចំនួន២០ម៉ឺនរៀល លោក កែវ ស៊ាងហ៊ាន់ ចំនួន៥០ដុល្លារ ធនធាន០៣ ចំនួន៥ម៉ឺនរៀល លោក គឹម សួរភិរុណ តំណាង អភិបាលខេត្តកំពង់ចាម ចំនួន១លានរៀល កោះកេរ្តិ៍ ០១ ចំនួន១០ម៉ឺនរៀល ធនធាន០១ ចំនួន៥០ដុល្លារ សច្ចះ០១ ចំនួន៥ ម៉ឺនរៀល ភ្នំប្រុស០១ ចំនួន១០ម៉ឺនរៀល ការិយាល័យ ព្រហ្មទណ្ឌកំរិត ស្រាលចំនួន១០០ដុល្លារ ក្រុមកីឡាបាល់ទះ នៃស្នងការដ្ឋាន នគរបាល ខេត្តកំពង់ចាម ចំនួន១០០ដុល្លារ លោក ជីវ ចាន់តារ៉ាចំនួន៥០ដុល្លារ លោក ប្រេង ហ៊ីម ចំនួន៥ម៉ឺនរៀល ការិយាល័យ ព្រហ្មទណ្ឌកំរិតធ្ងន់ ចំនួន ២០ម៉ឺន រៀល ផែនអត្តអញ្ញាណប័ណ្ណ ចំនួន២០ម៉ឺនរៀល ការិយាល័យប្រឆាំង គ្រឿងញៀន ចំនួន១០ម៉ឺនរៀល ថាមពល០១ ចំនួន១០ម៉ឺនរៀល អភិបាល ស្រុកបាធាយ ជួយឧបត្ថម្ភ ស័ង្កសីចំនួន១៥សន្លឹក។

ជាមួយគ្នានេះលោកឧត្តមសេនីយ៍ ស្នងការ នៅតែបន្តអំពាវនាវដល់ សប្បុរសជននានា មេត្តាជួយ បរិច្ចាគ ដល់មន្រ្តីនគរបាល ដែលកំពុង មានបញ្ហាយ៉ាងធ្ងន់ធ្ងរ ខណៈដែលខ្លួន បានបម្រើការងារជូនជាតិជាង២០ឆ្នាំមកហើយ។

ស្នងការ នគរបាល ខេត្តកំពង់ចាម លោកឧត្តមសេនីយ៍ បែន រ័ត្ន បានថ្លែងថា «ក្នុងស្ថានភាព បែបនេះ ខ្ញុំសូមអំពាវនាវ ដល់ថ្នាក់ដឹកនាំ និង មិត្តនគរបាល យើងទូទាំងខេត្ត និងសប្បុរសជននានាផងដែរ មេត្តារួមគ្នា ជួយឧបត្ថម្ភ ដល់មិត្តយើង ដែលរងគ្រោះនេះ ឲ្យគ្នាមានលទ្ធភាព សង់ផ្ទះបានវិញ និងឲ្យបាន សមរម្យ ជាងនេះ កាន់តែប្រសើរ»។

Pages

About Me

Revolver Maps

Flag Counter

TV khmer

Blog Archive