ពិភពសំបូរបែប

Thursday, May 28, 2015

Funny Thai Movie Speak Khmer - ជួបខ្មោចរំលងអាត្រាត

Wednesday, May 27, 2015

កែវ រំចង់ តមដំណេក និងគ្រឿងស្រវឹង ប្រឹងហាត់ដើម្បីត្រៀមខ្លួនវគ្គផ្ដាច់ព្រ័ត្រ

មកពី សប្បាយ ឪពុករបស់ កែវ រំចង់ បានអះអាងថា កូនប្រុសរបស់លោក កំពុងខំប្រឹងហ្វឹកហាត់ទាំងយប់ទាំងថ្ងៃ តមដំណេក និងគ្រឿងស្រវឹងរយៈពេលប្រហែលជាមួយខែមកហើយដើម្បីត្រៀមខ្លួនប្រកួតវគ្គផ្តាច់ព្រ័ត្រនៃព្រឹត្តិការណ៍ដណ្តើមខ្សែក្រវាត់នៅសង្វៀនបាយ័នស្ទឹងមានជ័យ ខណៈការប្រកួតវគ្គពាក់កណ្តាលផ្តាច់ព្រ័ត្រនៅថ្ងៃអាទិត្យនេះហាក់មិនបារម្ភអ្វីច្រើនឡើយ។

កែវ រំចង់(ក្រហម ) Tilek និង ( ខៀវ ) ប្រកួតកន្លងមក

លោក កែវ សំអាង ឪពុកបង្កើត និងជាគ្រូបង្ហាត់ប្រដាល់ផ្ទាល់ កែវ រំចង់ បានឲ្យដឹងថា ពេលនេះកូនរបស់លោកកំពុងបង្កើនការហ្វឹកហាត់យ៉ាងខ្លាំងទាំងថ្ងៃនិងយប់ ពីព្រោះ រំចង់ បារម្ភខ្លាចមិនបានគ្រងខ្សែក្រវាត់ ដែលមានទឹកប្រាក់ច្រើនសន្ធឹកសន្ធាប់រហូតដល់ទៅ ៥ ពាន់ដុល្លារ។ ចំពោះការប្រកួតវគ្គពាក់កណ្ដាលផ្ដាច់ព្រ័ត្រនៅថ្ងៃអាទិត្យនេះ កូនប្រុសរបស់លោកមិនសូវបារម្ភអ្វីច្រើនឡើយ ពីព្រោះធ្លាប់ឈ្នះកាលពីពីរសប្តាហ៍ម្តងហើយ។ ពេលព្រឹក រំចង់ ងើបទាំងព្រលឹមអុលរត់ប្រហែល៣ម៉ោង បន្ទាប់មកសម្រាកដល់ថ្ងៃរសៀលម៉ោង២ចាប់ផ្ដើមហាត់ក្នុងក្លិបដល់ម៉ោង៤ទើបឈប់សម្រាក។ ពេលយប់ ប្រហែលម៉ោង ៧ រំចង់ចាប់ផ្ដើមហាត់បន្តប្រហែល ១ ឬ ២ ម៉ោងទៀតទើបឈប់ហាត់។

បុរសរស់នៅខេត្តបាត់ដំបងរូបនេះបានឲ្យដឹងទៀតថា កីឡាករណាក៏ល្អដែរទើបអាចឆ្លងមកដល់វគ្គពាក់កណ្តាលផ្តាច់ព្រ័ត្រ ហើយមិនដឹងថា ពួកគេអាចផ្លាស់ប្តូររបៀបប្រកួតឬយ៉ាងណានោះទេ កូនប្រុសរបស់លោកត្រូវតែបង្កើនការប្រុងប្រយ័ត្ន។ ចំពោះ ឡុង សុភី ក៏ធ្លាប់ឈ្នះ កែវ រំចង់ ហើយកីឡាករថៃ Rareung ក៏ខ្លាំងកីឡាករទាំងពីរនេះ នរណាម្នាក់ឡើងវគ្គផ្តាច់ព្រ័ត្រគឺសុទ្ធតែលំបាកសម្រាប់ឧបសគ្គធំសម្រាប់កែវ រំចង់។

លោកគ្រូបន្តថា ប្រឹងប្រែងហ្វឹកហាត់បែបនេះក្នុងគោលបំណងចង់បង្កើនកម្លាំងឲ្យកាន់តែខ្លាំង និងភាពរហ័សក្នុងការបត់បែនលើសង្វៀន។ កីឡាកររូបណាក៏ដោយ ប្រសិនបើកម្លាំងគ្មាន ពេលប្រកួតដល់ទឹកទី ៤ ឬទឹកទី ៥ ពិតជាប្រើក្បាច់មិនបានល្អឡើយ ទោះកីឡាកររូបនោះមានក្បាច់ល្អបែបណាក៏ដោយ។

លោកបង្ហើបឲ្យដឹងទៀតថា ដើម្បីបង្កើនកម្លាំង មិនត្រឹមតែពឹងលើការហ្វឹកហាត់ប៉ុណ្ណោះទេ ប៉ុន្តែត្រូវគិតទៅលើការអាហារបំប៉ន និងសម្រាកឲ្យបានគ្រប់គ្រាន់។ មិនតែប៉ុណ្ណោះ កែវ រំចង់ តមដំណេកជាមួយភរិយា និងគ្រឿងស្រវឹងរយៈពេលប្រហែល១ ខែមកហើយ ពីព្រោះខ្លាចបាត់បង់កម្លាំងពេលប្រកួត។

វគ្គពាក់កណ្ដាលផ្ដាច់ព្រ័ត្រនឹងប្រកួតនាថ្ងៃទី ៣១ ឧសភា ឆ្នាំ ២០១៥ ខាងមុខនេះគឺ ជាការជួបគ្នារវាងកីឡាករលេខមួយក្នុងពូល A កែវ រំចង់ និងអ្នកលេខពីរក្នុងពូល B កីឡាករថៃ Tilek Pithak ។ ចំណែកអ្នកលេខពីរក្នុងពូល A ឡុង សុភី ត្រូវជួបកីឡាករលេខមួយក្នុងពូល B ដែលមានកម្ពស់ខ្ពស់របស់ថៃ Rareung Lukchampacha។ ចាំមើលនរណាឡើងវគ្គផ្តាច់ព្រ័ត្ររវាងកីឡាករទាំង៤នាក់នេះ?

កែវ រំចង់ កាលឈ្នះខ្សែក្រវាត់ពី អូត ភូថង

នាយ កុយ សោកស្ដាយ នាយ ឃ្លោក

មកពី សប្បាយ នាយ កុយ បានពោលសោកស្ដាយ នាយ ឃ្លោក ក្រោយពីអតីតមិត្តរួមក្រុមកំប្លែងរូបនេះ បានដកខ្លួនចេញពីក្រុមប្រមាណជាង ១ឆ្នាំកន្លងមកហើយ។

លោក ជួង ជី ហៅ នាយកុយ ថ្លែងថា “ការបាត់បង់រូបគាត់(នាយឃ្លោក) គឺដូចជាបាត់អ្វីមួយអីចឹង ធម្មតាទេសម្លបើបាត់គ្រឿងអ្វីមួយរសជាតិក៏មានការប្រែប្រួលទៅតាមនឹងដែរ ប៉ុន្តែធ្វើម៉េចបើគាត់មានការងាររវល់ផ្ទាល់ខ្លួនអីចឹង”។

មានចំណុចពិសេសជាច្រើន ដែលលោក ទុំ សារុត ហៅនាយ ឃ្លោក មាន ធ្វើឲ្យមានការចាប់អារម្មណ៍ពីទស្សនិកជន និងជាអ្វីដែល ជួង ជី ហៅនាយ កុយ បញ្ជាក់ថា នាយមានការសោកស្ដាយចំពោះការចាកចេញរបស់អតីតតារាកំប្លែងរួមក្រុមរូបនេះ។

ចំណុចទាំងនោះ មានដូចជា ទេពកោសល្យពីកំណើតលើការសម្ដែងតួច្រើនប្រភេទ ការប្រើវោហាសព្ទ និងចំណេះដឹងទូទៅទូលំទូលាយជាដើម។ ៖ “ចំណុចពិសេសរបស់គាត់ គឺគាត់ពូកែក្នុងការសម្ដែងជាអ្នកអប់រំ ជាប៉ូលិសអនុវត្តន៍ច្បាប់ និងខាងចាស់ទុំជាដើម គាត់ពូកែវោហារខាងផ្លូវច្បាប់ហើយគាត់តែងតែ អានសៀវភៅច្រើនទាក់ទងនឹងខាងច្បាប់ជាដើម”។

លោក បញ្ជាក់ថា ធនធានជាតារាកំប្លែងដូចនាយ ឃ្លោក គឺពិបាករកណាស់ ក្នុងអាជីពជាអ្នកកំប្លែង។

ទុំ សារុត ឬនាយ ឃ្លោក បានដកខ្លួនពីក្រុមកំប្លែងនាយ កុយ នាអំឡុងពាក់កណ្ដាលឆ្នាំ ២០១៤។ តាម នាយ កុយ បញ្ជាក់ថា នាយ ឃ្លោក ឈប់ពីអាជីពកំប្លែងដោយសារតែមមាញឹកជាមួយការងារផ្ទាល់ខ្លួន។ វិលមក សាមីខ្លួន វិញ ក៏បានប្រាប់ដូចគ្នាដែរថា លោក រវល់នឹងរបររកស៊ីផ្ទាល់ខ្លួន ដោយលោកបានបើកក្រុមហ៊ុនលក់អាហារបំប៉នសុខភាពដែលនាំចូលមកពីបរទេសឈ្មោះថាអ៊ីវ៉ូ (EVO)។

បន្ថែមពីលើនេះ លោក ក៏បានប្រាប់ទៀតថា បានបោះបង់អាជីវកម្មដឹកខ្សាច់តំណាលគ្នាដែរ ដោយសារតែបច្ចុប្បន្ននៅភ្នំពេញមានការកកស្ទះចរាចរណ៍ខ្លាំងពេក ដែលធ្វើឲ្យចំនួនជើងនៃការដឹកខ្សាច់ដែលលោកមានរថយន្តផ្ទាល់ខ្លួនប្រមាណ ១០គ្រឿងនោះ ត្រូវថយចុះ។

នាយ ឃ្លោក បញ្ជាក់ទៀតថា អតិថិជនរបស់នាយ ភាគច្រើនឡើងមកពីបណ្ដាខេត្តស្វែងរកការពិភាក្សាចំតែថ្ងៃសៅរ៍-អាទិត្យ ត្រូវគ្នានឹងថ្ងៃដែលរូបលោកលេងកំប្លែងដែរ ជាហេតុធ្វើឲ្យមានការលំបាកខ្លាំងសម្រាប់ការងារសិល្បៈ ទើបសម្រេចឈប់តែម្ដងទៅ។

បើទោះជាយ៉ាងនេះក៏ដោយ មានការកត់សម្គាល់ឃើញថា ទុំ សារុត ឬនាយ ឃ្លោក បានដកខ្លួនពីអាជីពកំប្លែង បន្ទាប់ពីលោក ត្រូវបានព្រះមហាក្សត្រនៃព្រះរាជាណាចក្រកម្ពុជាព្រះបាទ នរោត្តម សីហមុនី ត្រាស់បង្គាប់តែងតាំងជាឯកឧត្ដមកាលពីដើមឆ្នាំ២០១៤កន្លងទៅ។ បច្ចុប្បន្ន លោក ទុំ សារុត ជាទីប្រឹក្សាអគ្គលេខាធិការដ្ឋានព្រឹទ្ធសភា មានឋានៈស្មើអនុរដ្ឋលេខាធិការ។

“អូនអើយ…ឥឡូវនេះទាំងការងាររដ្ឋទាំងឯកជន ការរកស៊ីរបស់បងសុទ្ធតែរវល់ខ្លាំង ដូច្នេះអត់មានពេលវេលាគ្រប់គ្រាន់ដើម្បីបន្តអាជីពជាអ្នកកំប្លែងទៀតបានទេ បើទោះខ្ញុំនៅស្រលាញ់ក៏ពិតមែន!”។ នាយ ឃ្លោក បញ្ជាក់៕

បុរសម្នាក់អាចទាញស្មាចូលគ្នាបំបែកកំណត់ត្រាពិភពលោក

មកពី សប្បាយ បុរសវ័យ៣៥ឆ្នាំម្នាក់ដែលមានឈ្មោះថា Rammehar Punia បានបំបែកកំណត់ត្រាពិភពលោក ដោយសារតែមានសមត្ថភាពពិសេសអាចយកស្មាទាំងសងខាងមកផ្អឹបគ្នានៅនឹងដើមទ្រូងដើម្បីបំបែកបន្ទះស៊ីឌី។

ដោយមានសមត្ថភាពពិសេសនេះ លោកត្រូវបានគេដាក់រហស្សនាមឲ្យថា ‘Rubber Man’។ លោកបានបំបែកកំណត់ត្រា Guinness ដោយអាចយកស្មាបំបែកបន្ទះស៊ីឌីបានដល់ទៅ៦០ក្នុងរយៈពេល១នាទី។

បុរសជនជាតិឥណ្ឌារូបនេះ បានជាប់ឈ្មោះក្នុងសៀវភៅកំណត់ត្រាជាលើកដំបូងកាលពីឆ្នាំ២០១១ ដោយបំបែកបន្ទះស៊ីឌីបាន៤១ក្នុង១នាទី។

ក្រៅពីប្រកបមុខរបរជាកសិករ លោក Punia ក៏បានដើរសម្ដែងសមត្ថភាពពិសេសនេះនៅតាមតំបន់នានានៅក្នុងប្រទេស និងនៅក្រៅប្រទេសផងដែរ ដូចជាប្រទេសអ៊ីតាលីជាដើម៕

ផល សោភ័ណ្ឌ ប្រាប់របៀបផ្ដួលដៃគូ មុនពេលជួបថៃនៅ CNC ថ្ងៃសៅរ៍នេះ

មកពី សប្បាយ អ្នកប្រដាល់កំពុងលេចធ្លោ ផល សោភ័ណ្ឌ បានប្រាប់ពីបទពិសោធន៍ក្នុងការផ្ដួលដៃគូកន្លងមកលើសង្វៀនមុនឡើងសង្វៀនប៉ះកីឡាករថៃ Jek Ngourn Deng Yin នាថ្ងៃ សៅរ៍ ទី ៣០ ខែ ឧសភាឆ្នាំ ២០១៥ វេលាម៉ោង ៦:០០ល្ងាចនៅសង្វៀនទូរទស្សន៍ CNC ក្នុងព្រឹត្តិការណ៍ជើងឯកគោជល់។

កីឡាករ ផល សោភ័ណ្ឌ (ក្រហម)ប្រកួតនឹងកីឡាករថៃ (ខៀវ)កន្លងមក

ជើងខ្លាំងប្រចាំក្លិបតាឡីដំរីមានរិទ្ធិ ផល សោភ័ណ្ឌ បានឲ្យដឹងថា ការវាយដៃគូកន្លងមកដែលតែងតែទទួលបានជោគជ័យគឺ កែង និងកណ្ដាប់ដៃ ។ វិធីដែលធ្វើឲ្យគេមានកម្លាំងដៃ និងកែងល្អ ព្រមទាំងមានកម្លាំងកែងខ្លាំងដូចនេះមកពីរូបគេព្យាយាមក្នុងការហ្វឹកហាត់ដូចជាដាល់បាវសាក់ ទាត់ និងវាយកែងដាក់បាវសាក់ដោយចំណាយកម្លាំងវ៉ៃក្នុងពេលកំពុងហ្វឹកហាត់មិនសំចៃកម្លាំងទុកឡើយ ដល់ពេលប្រកួតជាមួយមនុស្សធ្វើឲ្យកណ្ដាប់ដៃនិងកែងមានទម្ងន់ធ្ងន់។

ជើងខ្លាំងរូបនេះបានបន្តថា សម្រាប់ការស្ទាបស្ទង់សមត្ថភាពតែងតែប្រើរយៈពេល ច្រើនបំផុតត្រឹម៣ទឹកដំបូង ហើយបច្ចេកទេសក្នុងការសាកល្បងលូកឆ្វេង លូកស្ដាំលើ និងក្រោម ដោយវ៉ៃតាមបច្ចេកទេស ស្ទង់មើលមិនហ៊ានធ្វេសប្រហែសឡើយ។ ទោះជាយ៉ាងណា បទពិសោធន៍ក្នុងការស្ទាបស្ទង់សមត្ថភាពដៃគូរបស់ សោភ័ណ្ឌ ក៏ធ្លាប់ធ្វើឲ្យគេគិតខុសម្ដងផងដែរ។ ប៉ុន្តែប្រសិនបើដៃគូត្រូវបានកីឡាកររូបនេះសំគាល់ឃើញថា មានកម្រិតមួយខ្សោយ និងមានចន្លោះប្រហោងច្រើននោះ រូបគេនឹងផ្ដួលភ្លាមឲ្យតែមានឱកាស។

អ្នកប្រដាល់កំពុងល្បីឈ្មោះរូបនេះ បានបញ្ជាក់ថា កាលពីប៉ុន្មានសប្ដាហ៍មុនដៃគូរបស់គេបានប្រើក្បាច់បន្លំភ្នែកដោយតាំងជំហរប្រើកណ្ដាប់ដៃស្ដាំហើយ សោភ័ណ្ឌ គិតថា ដៃគូពិតជាប្រើក្បាច់ល្អ តែខាងស្ដាំធ្វើឲ្យគេប្រឹងបិទតែកណ្ដាប់ដៃស្ដាំប៉ុណ្ណោះ។ ប៉ុន្តែរំពេចនោះកីឡាករកម្ពុជាត្រូវបាន ដួលលើសង្វៀនថែមទាំងត្រូវលោកអាជ្ញាកណ្ដាលរាប់ដល់ ៨ ទៀតផង ព្រោះកណ្ដាប់ដៃខាងឆ្វេងទៅវិញ។

ងាកមកការប្រកួតថ្ងៃសៅរ៍ក្នុងព្រឹត្តិការណ៍ជើងឯកគោជល់ខាងមុខនេះវិញ សោភ័ណ្ឌ បានប្រាប់ថា ដៃគូរបស់គេបានប្រកួតជាមួយកីឡាករកម្ពុជា កន ចន្ថា កាលប្រកួតទីមួយក្នុងវគ្គសន្សំពិន្ទុម្ដងរួចមកហើយ។ ពេលនេះគេបានសំគាល់ឃើញថា ដៃគូថៃដែលត្រូវជួបនាថ្ងៃសៅរ៍ក្នុងវគ្គសន្សំពិន្ទុសម្រាប់ការប្រកួតទី២នេះពូកែទាត់ឆ្វេង និងស្ដាំស្មើគ្នាល្អ ព្រមទាំងមានជំហររឹងមាំទៀត។ សោភ័ណ្ឌ បានអះអាងថា នឹងប្រឹងប្រែងឲ្យអស់ពីសមត្ថភាពដើម្បីមិនឲ្យអ្នកគាំទ្រខកបំណង។ ទោះជាយ៉ាងណា រូបគេមិនបានបញ្ជាក់ថា សង្ឃឹមឈ្នះប៉ុន្មានភាគរយនោះទេ។

នេះជាការប្រកួតលើកទី២ក្នុងវគ្គសន្សំពិន្ទុរបស់ ផល សោភ័ណ្ឌ ខណៈការប្រកួតលើកទី១ គេបានផ្ដួលកីឡាករថៃក្នុងទឹកទី១៕

11330000_873564922717921_5996963610199734389_n

មើលវីដេអូនេះ ទើបដឹងថាលោកអូបាម៉ាសាមញ្ញប៉ុណ្ណា

មេធាវីកេនយ៉ាចង់រៀបការជាមួយកូនស្រីអូបាម៉ាដោយជំនូនសត្វ ១៥០ក្បាល

មកពី សប្បាយ មេធាវីជនជាតិកេនយ៉ាម្នាក់ មានបំណងចង់រៀបការជាមួយនាង ម៉ាលៀ អូបាម៉ា (Malia Obama) ដែលជាកូនស្រីរបស់ប្រធានាធិបតីសហរដ្ឋអាមេរិក បារ៉ាក់ អូបាម៉ា (Barack Obama) ដោយសន្យាថានឹងផ្ដល់ជាជំនូន ចៀម ៧០ក្បាល មេគោ ៥០ក្បាល និងពពែ ៣០ក្បាល។

មេធាវី Felix Kiprono (រូបកណ្តាល)

មេធាវី Felix Kiprono មិនមែនចេះតែលើកឡើងផ្ដេសផ្ដាសឡើយ ហើយថែមទាំងអះអាងទៀតថា ក្ដីស្រលាញ់របស់លោកចំពោះ Malia គឺជាការពិត។ មេធាវីស្បែកខ្មៅរូបនេះ បានប្រាប់សារព័ត៌មាន The Nairobian របស់ប្រទេសកេនយ៉ាថា “ខ្ញុំបានចាប់អារម្មណ៍លើនាងតាំងពីឆ្នាំ២០០៨ (ពេលនោះ Malia មានអាយុ ១០ឆ្នាំ) ហើយជាការពិតណាស់… ចាប់តាំងពីពេលនោះមក ខ្ញុំមិនទាក់ទងជាមួយអ្នកណាទេ ដោយសន្យាថានឹងស្មោះជាមួយនាង”។

លោក អូបាម៉ា និងកូនស្រីវ័យ ១៧ឆ្នាំម៉ាលៀ

លោក Kiprono បាននិយាយថា នឹងដាក់សំណើសុំរៀបការរបស់ខ្លួនទៅលោក អូបាម៉ា ហើយសង្ឃឹមថាមេដឹកនាំស្បែកខ្មៅរូបនេះនាំកូនស្រីតាម ពេលធ្វើដំណើរទស្សនកិច្ចក្នុងនាមជាប្រធានាធិបតីលើកដំបូងទៅកាន់ប្រទេសកេនយ៉ា។ បច្ចុប្បន្នយាយរបស់លោក អូបាម៉ា ដែលមានអាយុខ្ទង់ ៩០ឆ្នាំ ក៏កំពុងរស់នៅប្រទេសកេនយ៉ា ជាមួយញាតិសន្តានផ្សេងទៀតដែរ។

“ឥឡូវនេះខ្ញុំកំពុងរៀបចំសំបុត្រមួយទៅលោក អូបាម៉ា ដើម្បីឲ្យគាត់នាំ Malia មកជាមួយ… ខ្ញុំសង្ឃឹមថា ស្ថានទូតនឹងនាំសំបុត្រនេះទៅដល់គាត់”។ លោក Kiprono និយាយ។ មេធាវីស្បែកខ្មៅរូបនេះ បានបន្ថែមទៀតថា “មនុស្សមួយចំនួនអាចនិយាយថាខ្ញុំសម្លឹងឃើញលុយគ្រួសារគេ… តែវាមិនមែនជាការពិតទេ ស្នេហាខ្ញុំទើបពិត”។

មេធាវីវ័យក្មេង បាននិយាយថា បន្ទាប់ពីរៀបការរួច លោកនឹងបង្រៀនកូនស្រីវ័យ ១៧ឆ្នាំរបស់ប្រធានាធិបតីអាមេរិក ឲ្យចេះច្របាច់យកទឹកដោះគោ ចម្អិនអាហារ និងការងារផ្សេងទៀត ដូចនារីនៅក្នុងប្រទេសកេនយ៉ាដែរ។ យ៉ាងណាក្តី មកទល់ពេលនេះ មិនទាន់មានប្រតិកម្មឆ្លើយតបពីសេតវិមាននៅឡើយទេ៕

Thursday, May 21, 2015

វីដេអូកីឡាករ ប៉ឺត ខាំ ប្រកួតសប្តាហ៍មុននៅសង្វៀនអាស៊ីអាគ្នេយ៍៖

បាត់មុខពីសង្វៀន៣ឆ្នាំ បឹត ខាំ តាំងចិត្តឲ្យល្បីជាងមុន

អ្នកប្រដាល់ជើងខ្លាំង បឹត ខាំ ខកខានឡើងសង្វៀនប្រកួតអស់រយៈពេល៣ឆ្នាំហើយ ប៉ុន្តែនៅពេលនេះរូបគេនឹងប្រឹងស្តារកេរ្តិ៍ឈ្មោះល្បីជាងមុន បន្ទាប់ពីបានឡើងសង្វៀនជាថ្មីដោយបានផ្តួលជើងខ្លាំងថៃនៅទឹកទី៥កាលពីសប្តាហ៍មុននៅសង្វៀនអាស៊ីអាគ្នេយ៍។

កីឡាករ ប៉ឺត ខាំ

មកពី សប្យាយ

អ្នកប្រដាល់មុខស្រស់ បឹត ខាំ បានឲ្យដឹងថា ត្រឡប់មកកម្ពុជាវិញលើកនេះ ពីព្រោះចង់ឲ្យខ្លួនល្បីកាន់តែខ្លាំងជាងមុន ទោះជាពេល នេះមានអ្នកគាំទ្រខ្លះថាកម្រិតក្បាច់គុនរបស់ខ្លួនថយចុះយ៉ាងណាក៏ដោយ។ ប្រសិនបើរូបគេមិនចង់ល្បីទេ រូបគេនឹងមិនត្រឡប់មកពីប្រទេសជប៉ុនឡើយ។

បឹត ខាំ បាននិយាយថា ៖«បើមិនចង់ល្បីទេ ខ្ញុំមិនមកកម្ពុជាវិញទេ។ ខ្ញុំនៅដេកស៊ីប្រាក់ខែនៅជប៉ុនវិញ ខ្ញុំមិនមកប្រកួតទាំងមិនទាន់ជាពីរបួសជើង ស្រួលបួលផង។ ម្យ៉ាងទៀតទោះខានប្រកួត៣ឆ្នាំ ក៏ខ្ញុំតាំងចិត្តធ្វើឲ្យល្បីជាងមុនដែរ»។

អ្នកប្រដាល់ដើមកំណើតបាត់ដំបងរូបនេះបានបន្តថា ពេលនេះទាំងជើង និងដៃនៅមិនទាន់ប្រើបានល្អដូចពីមុនទេ ព្រោះតែខានប្រកួតយូរ។ ទោះជាយ៉ាងណាលោកបញ្ជាក់ថា អាចល្បីដូចពីមុនឬលើសមុន អាស្រ័យលើអ្នកគាំទ្រលើកទឹកចិត្ត ហើយរូបគេផ្ទាល់ក៏ត្រូវប្រឹងប្រែងហ្វឹកហាត់ដែរ។

កីឡាករប្រដាល់ដែលផ្លាស់មករស់នៅកំពុងឆ្នាំងរូបនេះបានបន្ថែមថា ការចង់ល្បីនេះគឺមិនចង់ល្បីដោយសារប្រកួតជាមួយកីឡាករកម្ពុជាដែរ បើទោះស្ថិតក្នុងកាលៈទេសៈបែបណាក៏ដោយ ក៏មិនប្រកួតជាមួយកីឡាករកម្ពុជាឡើយ។ ការមិនប្រកួតជាមួយកីឡាករកម្ពុជាមិនមែនមកពីបញ្ហាអ្នកណាខ្លាំងជាងអ្នកណានោះទេ ឬក៏ខ្លាចកីឡាករកម្ពុជាទេ ប៉ុន្តែមកពីកីឡាករកម្ពុជារូបនេះចង់ឈរឈ្មោះជាកីឡាករដែលប្រកួតជាមួយបរទេសតំណាងឲ្យខ្មែរដោយតាំងនាមជាកីឡាករកម្ពុជាយកក្បាច់គុនខ្មែរបង្អួតឲ្យពិភពលោកបានដឹងពីកម្រិតក្បាច់គុនប្រដាល់សេរីខ្មែរ។

បឹត ខាំ បន្ថែមថា កាលពីពីរបីថ្ងៃមុនមានអ្នករៀបចំកម្មវិធីប្រដាល់ម្នាក់បានទូរសព្ទមកសួរចង់ឲ្យរូបគេប្រកួតជាមួយ វង្ស ណយ ប៉ុន្តែរូបគេបដិសេធ។

បឹត ខាំ បានត្រឡប់មកពីប្រទេសជប៉ុន កាលពីថ្ងៃទី ២០ ខែ មេសា ឆ្នាំ ២០១៥ បន្ទាប់ពីបានទៅបង្ហាត់ប្រដាល់នៅទីនោះអស់រយៈពេលជាច្រើនខែ។ ក្រោយមកដល់កម្ពុជា រូបគេបានឡើងប្រកួតជាមួយកីឡាករប្រដាល់ថៃនៅសង្វៀនអាស៊ីអាគ្នេយ៍ដោយវាយឲ្យលោកអាជ្ញាកណ្តាលបញ្ឈប់ក្នុងទឹកទី៥៕

ប្តីប្រពន្ធ និងកូនស្រី២នាក់បានស្លាប់ យ៉ាងអាណោចអាធ័មនៅក្នុងភ្នក់ភ្លើង

រាជធានីភ្នំពេញ : ហេតុការណ៍ដ៏រន្ធត់មួយបានកើតឡើង ខណៈដែលប្តីប្រពន្ធ និងកូនស្រី២នាក់បានស្លាប់យ៉ាងអាណោចអាធ័មនៅក្នុងភ្នក់ភ្លើងដោយសារករណីអគ្គីភ័យកាលពីវេលាម៉ោង៤និង៣០នាទីទៀបភ្លឺថ្ងៃទី២១ ខែឧសភា ឆ្នាំ២០១៥ នៅតាមផ្លូវលេខ៩២ ស្ថិតក្នុងភូមិច្រេះ សង្កាត់ភ្នំពេញថ្មី ខណ្ឌសែនសុខ។

ប្រភពព័តមាននៅកន្លែងកើតហេតុបានឲ្យដឹងថា ជនរងគ្រោះដែលស្លាប់ ប្តីឈ្មោះ គឹម ចាន់រ័ត្ន អាយុ៣៦ឆ្នាំ មុខរបរលក់ដូរ ប្រពន្ឋឈ្មោះ សែម សុផល ជាគ្រូបង្រៀននៅសាលាបឋមសិក្សាត្រពាំងស្វាយ រីឯកូនស្រី២នាក់ ម្នាក់ឈ្មោះ គឹម ណារី អាយុ១០ឆ្នាំ និង គឹម សួស្តី អាយុ០៣ឆ្នាំ។ កូនស្រីទាំង២បានស្លាប់នៅជាន់ឡៅតឿ ចំណែកឪពុកម្តាយបានស្លាប់នៅជាន់ខាងក្រោម។

ក្នុងហេតុការណ៍បន្ទាប់ពីដឹងថាភ្លើងឆេះផ្ទះ ជនរងគ្រោះបានស្រែក និងវាយជញ្ជាំងផ្ទះដើម្បីគេចខ្លួនដែរខណៈភ្លើងបានឆាបឆេះកណ្តាលផ្ទះ ប៉ុន្តែពុំមានអ្នកណាអាចជួយបាន ដោយសារភ្លើងឆាបឆេះខ្លាំងនិងលឿនពេក។ ករណីអគ្គីភ័យនេះបានផ្តើមចេញពីផ្ទះជនរងគ្រោះនិងរាលដាលបំផ្លាញលំនៅដ្ឋាន អ្នកជិតខាង២ខ្នងទៀត។ ផ្ទះដែលឆេះទាំង៣ខ្នងធ្វើអំពីឈើមានទំហំ៤X១១ម៉ែត្រដូចគ្នា គឺផ្ទះលេខ៣,៤(ផ្ទះជនរងគ្រោះ) និងផ្ទះលេខ៥។ អគ្គីភ័យនេះបណ្តាលមកពីទុស្សេខ្សែភ្លើង ខណៈដែលជនរងគ្រោះបានចាក់សោដេកលង់លក់ក្នុងដំណេក៕

សូមទស្សនាវីដេអូ GGG ផ្ដួល Willie Monroe Jr ឲ្យសន្លប់ម្នាក់ទៀត កាលពីថ្ងៃសៅរ៍៖

ស្ដេចប្រដាល់មិនធ្លាប់ចាញ់ ថាចង់សម្រកទម្ងន់ដើម្បីវ៉ៃជាមួយ Floyd

មកពី សប្បាយ កំពូលអ្នកប្រដាល់កាហ្សាក់ស្ថាន Gennady Golovkin ឬហៅថា “GGG” ដែលត្រូវបានគេដាក់រហស្សនាមឲ្យថា “ស្ដេចប្រដាល់” បានលើកឡើងថា លោកចង់សម្រកទម្ងន់ចុះនៅសល់ត្រឹម៧០គីឡូក្រាម ដើម្បីសម្រេចក្ដីសុបិន វ៉ៃទល់នឹងកំពូលអ្នកប្រដាល់ពិភពលោករបស់អាមេរិក Floyd Mayweather។

GGG ដែលមានទម្ងន់ជិត៧៥គីឡូក្រាម កំពុងតែធ្វើឲ្យពិភពលោកមានការភ្ញាក់ផ្អើលយ៉ាងខ្លាំង បន្ទាប់ពីវ៉ៃផ្ដួល Willie Monroe Jr ត្រឹមទឹកទី៦ទៀត កាលពីប្រកួតថ្ងៃសៅរ៍កន្លងទៅ និងបានបង្កើនកំណត់ត្រាដ៏អស្ចារ្យបំផុត ពោលគឺវ៉ៃ ៣៣ដង ឈ្នះទាំង៣៣ និងផ្ដួលដៃគូឲ្យសន្លប់ដល់ទៅ ៣០ដង។

ចំណែកឯ Floyd ដែលជាកំពូលអ្នកប្រដាល់ពិភពលោកបច្ចុប្បន្ន មានកំណត់ត្រាល្អឥតខ្ចោះដូចគ្នា ពោលគឺវ៉ៃ ៤៨ដង ឈ្នះទាំង៤៨ដង និងផ្តួលដៃគូឲ្យសន្លប់បាន២៦ដង ខណៈដែលប្រកួតចុងក្រោយ បានយកឈ្នះលើអ្នកប្រដាល់ឆ្នើមរបស់ហ្វីលីពីន Manny Pacquiao ដោយពិន្ទុ កាលពីដើមខែនេះ។

កំពូលអ្នកប្រដាល់ ដែលស្ទើរតែគ្មានដៃគូវ៉ៃ GGG បាននិយាយថា៖ “Mayweather គឺជាដៃគូ នៅក្នុងក្ដីស្រមៃរបស់ខ្ញុំ។ ខ្ញុំចង់សម្រកទម្ងន់ចុះសល់ត្រឹម៧០គីឡូក្រាម ដើម្បីធ្វើឲ្យការប្រកួតជាមួយគេអាចកើតឡើងបាន”។

យ៉ាងណាក្ដី Floyd មានទម្ងន់តែ១៤៧ផោន (ជាង៦៦គីឡូក្រាម) ប៉ុណ្ណោះ ប៉ុន្តែបើ GGG អាចបញ្ចុះសល់ត្រឹម ៧០គីឡូ ហើយ Floyd ដំឡើងដល់៧០គីឡូក្រាមដែរនោះ ការប្រកួតរវាងកំពូលអ្នកប្រដាល់មិនដែលចាញ់ទាំង២រូបនេះ អាចនឹងកើតមានឡើងមែន៕

Tuesday, May 19, 2015

កម្លាំងនគរបាល ខេត្តព្រះសីហនុ បង្ក្រាបក្រុមចោរ លួចទ្រព្យសម្បត្តិ របស់ជនបរទេស ចំនួន ៥នាក់

មកពី ដើមអម្ពិល ព្រះសីហនុ ៖ កម្លាំងនគរបាល ជំនាញការិយាល័យ កណ្តាលនគរបាល ព្រហ្មទណ្ឌ នៃ ស្នងការដ្ឋាន នគរបាល ខេត្តព្រះសីហនុ បានសហការ ជាមួយកម្លាំង នគរបាល នៃអធិការដ្ឋាន នគរបាល ក្រុងព្រះសីហនុ បានធ្វើការស្រាវជ្រាវ រហូតឈាន ទៅដល់ការ បង្ក្រាប និងចាប់ខ្លួន ជនសង្ស័យ ចំនួន៥នាក់ ដែលជាប់ពាក់ព័ន្ធ និងសកម្មភាព លួចទ្រព្ប សម្បត្តិ និងសម្ភារ របស់ជនបរទេស នៅពេលយប់ និងព្រឹកទៀបភ្លឺ ។

លោក កុល ផល្លី ស្នងការរង នគរបាល និងជាប្រធានការិយាល័យ កណ្តាលនគរបាលព្រហ្មទណ្ឌ បានឲ្យដឹងថា ជនសង្ស័យទាំងនេះ បានធ្វើសកម្មភាព លួចសម្ភារ និងទ្រព្យសម្បត្តិ នៅក្នុងផ្ទះរបស់ ជន រងគ្រោះ កាលពីវេលាម៉ោង៤ព្រឹក ទៀបភ្លឺ ថ្ងៃទី១៩ ខែឧសភា ឆ្នាំ២០១៥ ស្ថិតនៅ ភូមិ៤ សង្កាត់៤ ក្រុង-ខេត្តព្រះសីហនុ។

លោក កុល ផល្លី បានបញ្ជាក់ទៀតថា ក្រោយមានករណី លួចទ្រព្យ និងសម្ភារ របស់ជនបរទេសទាំងនេះ ស្នងការនគរបាល ខេត្តព្រះសីហនុ លោកឧត្តមសេនីយ៍ត្រី ជួន ណារិន្ទ បានបញ្ជាឲ្យ ការិយាល័យជំនាញ និងនគរបាលមូលដ្ឋាន បើកការស្រាវជ្រាវ យ៉ាងយកចិត្តទុកដាក់ ដើម្បីតាមបង្ក្រាប និងចាប់ខ្លួនជនសង្ស័យ ទាំងនោះ។

លោកស្នងការរង នគរបាលរូបនេះ បានបន្តថា ក្រោយពីការស្រាវជ្រាវ តាមជំនាញ របស់ខ្លួនរួមកនោះ កាលពីវេលាម៉ោង៧ ព្រឹកថ្ងៃទី២០ ខែឧសភា ឆ្នាំ២០១៥ កម្លាំងនគរបាល របស់លោក បានចាប់ខ្លួន ជនសង្ស័យទាំង៥នាក់ ព្រមទាំងដកហូតនូវវត្ថុតាង ជាច្រើន ផងដែរ។

យោងតាមលោក កុល ផល្លី បានបញ្ជាក់ថា ជនសង្ស័យទី១ឈ្មោះ ស៊ុង សុធី អាយុ៤៩ឆ្នាំ មុខរបរ មុខរបរ ជាសន្តិសុខឯកជន PSA ទី២-ឈ្មោះ សិន មុំ អាយុ៣៥ឆ្នាំ មុខរបរ កម្មករសំណង់ ទី៣-ឈ្មោះ ណុប សំបូរ អាយុ៥២ឆ្នាំ មុខរបរ កម្មករសំណង់ ទី៤-ឈ្មោះ អ៊ូច សុធិន អាយុ៣០ឆ្នាំ មុខរបរលក់ដូ ទី៥-ឈ្មោះ គីម ឡុង អាយុ២៣ឆ្នាំ មុខរបរលក់ដូរ។

បើតាមរបាយការណ៍ របស់នគរបាល បានបង្ហាញថា វត្ថុតាងដែលចាប់ដកហូតបាន រួមមាន ម៉ាស៊ីនបោកខោអាវ១គ្រឿង ម៉ាស៊ីនភ្លើងម៉ាក HONDA ពណ៌ក្រហម១គ្រឿ ទូរទឹកកក ១គ្រឿង និងដុំទប់ភ្លើង១គ្រឿង ។

ដោយឡែកជនរងគ្រោះឈ្មោះ CATAL SAKIT ភេទប្រុស អាយុ៣៨ឆ្នាំ មុខរបរបើក ហាងលក់ដូរ ជនជាតិ តួរគី ។

បើតាមលោក កុល ផល្លី ក្រោយការ ចាប់ខ្លួន ជនសង្ស័យទាំង៥នាក់ ត្រូវបានប្រគល់ជូន ជនរងគ្រោះវិញ ខណៈពួកគេ ស្ថិតក្រោមការ សួរនាំ ដើម្បីកសាងសំណុំរឿងបញ្ជូនទៅកាន់តុលាការ ចាត់ការតាមផ្លូវច្បាប់៕

នរណាឡូយជាង សុគន្ធកញ្ញា និង ទេព បូព្រឹក្ស លេងស្ទីលជាក្រុមដូចគ្នាលើឆាក Awards Night

មកពី សប្បាយ តារាដែលចាប់ផ្ដើមផ្ទុះល្បីតាមរយៈបទ Baby I’m Sorry លោក Jimmy Kiss កញ្ញា ឱក សុគន្ធកញ្ញា តារាពូកែលេងស្ទីលមុខ ម៉ូដសក់ ខោអាវ ទេព បូប្រឹក្ស និងម្ចាស់ពាន The Voice Cambodia រដូវកាលដំបូង ប៊ុត សីហា បានអន្ទងអារម្មណ៍ទស្សនិកជនមិនតិចទេ តាមរយៈទឹកដមសំនៀងមុតៗ នៅលើឆាកចម្រុះភ្លើងពណ៌នៅក្នុងរាត្រី Cambodia Beer Awards Night នៅសណ្ឋាគារសូហ្វីតែលភោគីត្រាភ្នំពេញយប់មិញ ដើម្បីស្វាគមន៍ការទទួលបានវិញ្ញាបនបត្រស្តង់ដារ ISO របស់ស្រាបៀរកម្ពុជា។ ប៉ុន្តែ អ្វីដែលឆាបឆក់ក្រសែភ្នែកទស្សនិកជនបំផុតនោះគឺ តារារួមទ្រនំ ឱក សុគន្ធកញ្ញា និង ទេព បូព្រឹក្ស បានលេងស្ទីលម្យ៉ាងម្នាក់ប្លែកតែម្ដង ជាមួយក្រុមរាំរៀងៗខ្លួន។ តោះមើលបន្តិចមើល នរណាឡូយជាងនរណា?

ដោយ៖ ប៉ែន សុផាន់ណា

ចេញហើយ! លីកកំពូលកម្ពុជារដូវកាលថ្មីប្រើពេលតែជាង ៣ ខែប៉ុណ្ណោះ ចាប់ពីខែកក្កដាទៅ

មកពី សប្បាយ ព្រឹត្តិការណ៍កីឡាបាល់ទាត់ជាតិ មិត្តហ្វូនខេមបូឌានលីករដូវកាលឆ្នាំ ២០១៥ (MCL 2015) ដែលទស្សនិកជនរង់ចាំតាមដានអស់រយៈពេលយ៉ាងយូរ បានលេចដំណឹងថានឹងចាប់ផ្ដើមពីដើមខែ កក្កដា តទៅ ដោយប្រើពេលជាង ៣ ខែប៉ុណ្ណោះ។

ពានរង្វាន់មិត្តហ្វូនខេមបូឌានលីក

បើតាមប្រភពក្រៀកកិតមកពីសហព័ន្ធកីឡាបាល់ទាត់កម្ពុជា (FFC) ការប្រកួតនឹងធ្វើឡើងពីថ្ងៃទី ១ កក្កដា ដល់ ១១ តុលា ឆ្នាំ ២០១៥ ដោយប្រើរូបមន្តប្រកួតលក្ខណៈទៅ-មក (Home/Away) ដែលមានក្រុមចូលរួមចំនួន ១២ ដូចរដូវកាល ២០១៤ ដែរ។ ទូរទស្សន៍ប៉ុស្ដិ៍បាយ័នព័ត៌មាន (BTV) ទទួលបានសិទ្ធផ្សាយផ្ទាល់ពីការប្រកួតធំប្រចាំប្រទេសនេះ។

ស្ថានភាពពេលនេះក្រុមដែលអាចរៀបចំធ្វើជាម្ចាស់ផ្ទះបែប Home/Away បាន មានដូចជា ក្លិបភ្នំពេញក្រោន (RSN Stadium), ក្លិបស្វាយរៀង (កីឡដ្ឋានខេត្តស្វាយរៀង) , ក្លិបក្រសួងការពារជាតិ (កីឡដ្ឋានកងយោធពលខេមរភូមិន្ទ) , ក្លិបវេស្ទើន (កីឡដ្ឋានក្លិប) ហើយទីលានស្មៅសិប្បនិមិត្តពហុកីឡដ្ឋានជាតិ អាចធ្វើជាទឹកដីកណ្ដាល។

ប្រភពបន្ថែមថា មូលហេតុដែលការរៀបចំប្រកួតប្រើពេលខ្លីនេះដោយសារនៅចុងឆ្នាំ សហព័ន្ធកីឡាគ្រោងបង្កើតព្រឹត្តិការណ៍ប្រកួតសំខាន់ៗ ជាច្រើនទៀតដូចជា ពានរង្វាន់មហាអនុតំបន់ទន្លេរមេគង្គ BIDC Cup (ប្រកួតរាល់ ២ ឆ្នាំម្ដង) និងអាចមានពានរង្វាន់ Royal Cup (កាលពីឆ្នាំទៅលើកពេលប្រកួត) ជាដើម។

កាលពីរដូវកាលមុនសហព័ន្ធបានប្រើរូបមន្តប្រកួតសន្សំពិន្ទុ វិលជុំ ២ ជើង ហើយក្រុមភ្នំពេញក្រោន បានក្លាយជាជើងឯក ក្រោយប្រកួត ២២ លើកឈ្នះ ១៧ ស្មើ ៣ និង ចាញ់ ២ ប្រកួត មាន ៥៤ ពិន្ទុ តាមពីក្រោយដោយក្រុមជើងឯករងចម្ការកៅស៊ូបឹងកេត (បឹងកេតអង្គរ) ប្រកួត ២២ លើកឈ្នះ ១៥ ស្មើ ២ និង ចាញ់ ៥ ប្រកួត មាន ៤៧ ពិន្ទុ។ សម្រាប់រដូវកាលនេះមានព័ត៌មានលេចលឺផ្សេងគ្នា ដោយខ្លះថានឹងរៀបចំការប្រកួតបែប សន្សំពិន្ទុ ហើយខ្លះទៀតថាប្រកួតយកក្រុមខ្លាំង ៤ ទៅលេង Play Off។ យ៉ាងណាក៏ដោយ Sabay នឹងស្វែងរកព័ត៌មានបន្ថែមជម្រាបជូននៅពេលក្រោយ៕

អត្ថបទពាក់ព័ន្ធ៖ សៅ សុខា៖ លីកកម្ពុជា នឹងរៀបចំ Home/Away នៅរដូវកាលថ្មីនេះ

ទីបំផុត ចន ច័ន្ទលក្ខិណា ព្រមទទួលស្គាល់ចំណងស្នេហ៍ជាមួយបុរសពោះម៉ាយ

ប្រភពមកពី សប្បាយ បន្ទាប់ពីព្យាយាមមិនបកស្រាយជុំវិញចំណងស្នេហ៍ជាមួយបុរសវ័យជាង៣០ឆ្នាំ ដែលគេឃើញបណ្ដើរគ្នាដើរកម្សាន្តដល់ទីក្រុងឌូបៃ ហើយត្រូវសារព័ត៌មានក្នុងស្រុកចុះផ្សាយជាហូរហែនោះ ទីបំផុត អ្នកមេម៉ាយ ចន ច័ន្ទលក្ខិណា បានព្រមទទួលស្គាល់ថា អ្នកនាង និងបុរសរូបនោះ ពិតជាមានទំនាក់ទំនងស្នេហ៍ជាមួយគ្នាមែន។

“ចាស…ពិតមែនតើ…” ចន ច័ន្ទលក្ខិណា បានឆ្លើយយ៉ាងខ្លីតបនឹងសំណួរ Sabay នៅក្នុងខួបកំណើតកូនស្រី តារាចម្រៀង អ៊ិត ស្រីពីន សប្ដាហ៍មុន ពីអ្វីដែលសារព័ត៌មានក្នុងស្រុកនានាបានចុះផ្សាយថ្មីៗនេះ ជុំវិញទំនាក់ទំនងរបស់នាង និងបុរសម្នាក់ដែលគេឃើញថតរូបផ្អែមល្ហែមជាមួយគ្នា ក្នុងដំណើរកម្សាន្តដល់ទីក្រុងឌូបៃ និងទីកន្លែងផ្សេងទៀត។

បុរសរូបនោះ មានឈ្មោះ ហេង ឡុង ជាបុរសពោះម៉ាយ មានវ័យ ៣៦ឆ្នាំ។ ចន ច័ន្ទលក្ខិណា បានរៀបរាប់ទៀតថា នាង និងលោក ហេង ឡុង បានជួបស្គាល់គ្នា និងស្រឡាញ់គ្នាប្រមាណជាកន្លះឆ្នាំហើយ ដែលដំបូងឡើយ ទំនាក់ទំនងមួយនេះកើតឡើងដោយសារតែការណែនាំពីមិត្តភ័ក្ដិមួយចំនួន។ ក្រោយពីសិក្សាយល់ចិត្តគ្នារយៈពេលខ្លី អ្នកនាងក៏ព្រមទទួលចំណងមួយនេះ។

ចំពោះហេតុផល តារាស្រីវ័យ ៣៥ឆ្នាំរូបនេះ អះអាងថា លោកហេង ឡុង គឺជាបុរសមានការទទួលខុសត្រូវ ត្រូវនឹងអ្វីដែលខ្លួនចង់បាន។ “សម្រាប់ខ្ញុំ ខ្ញុំត្រូវការបុរសដែលមានការទទួលខុសត្រូវខ្ពស់ ហើយគាត់ ខ្ញុំមើលឃើញថា គាត់ជាមនុស្សមានការទទួលខុសត្រូវខ្ពស់ នេះហេតុផលមួយ ឯមួយទៀតអាចដោយសារយើងជាមេម៉ាយ និងពោះម៉ាយដូចគ្នាដែរ(សើច)!”។

លោក ហេង ឡុង និង ចន ច័ន្ទលក្ខិណា ជាពោះម៉ាយ និងមេម៉ាយកូនមួយដូចគ្នា ក្រោយបាក់បែកជីវិតគូរៀងខ្លួន ក្នុងនោះទាំងសង្ខាងសុទ្ធតែមិនមានបន្ទុកកូនដូចគ្នា ដោយ ចន ច័ន្ទលក្ខិណា កូនស្រី ត្រូវតុលាការកាត់ឲ្យស្ថិតក្នុងបន្ទុកអតីតស្វាមី ឯលោក ឡុង កូនតែម្នាក់ ក៏ត្រូវកាត់ឲ្យស្ថិតក្នុងបន្ទុកអតីតភរិយាដែរ។

បើទោះជាបើកទម្លាយពីទំនាក់ទំនងស្នេហ៍ ស្របពេលទាំងសង្ខាងមិនជាប់ពាក់ព័ន្ធរឿងកូនផងក្ដី ប៉ុន្តែ តារាសម្ដែង និងម៉ូដែលរូបនេះ គ្មានគម្រោងធ្វើពិធីភ្ជាប់ពាក្យ ឬរៀបការឆាប់ៗនេះទេ។ អ្នកនាង ថ្លែងថា រឿងជាច្រើនបានកើតឡើងចំពោះអ្នកនាងពាក់ព័ន្ធរឿងរ៉ាវជីវិតគូមួយរយៈចុងក្រោយនេះ។ ដូច្នេះនាង មិនទាន់បានត្រៀមខ្លួន សម្រាប់ជីវិតគូជាថ្មីក្នុងពេលឆាប់ៗទេ។

ចន ច័ន្ទលក្ខិណា និងលោក ហេង ឡុង(រូបថត៖facebook)

“អត់ទាន់ទេ ខ្ញុំចង់នៅទំនេរខ្លួនមួយរយៈសិន អីចឹងរឿងរៀបការគឺខ្ញុំអត់ទាន់គិតហ្មង និយាយទៅអាចយូរ គឺចាប់ពី២ឆ្នាំឡើងទៅដែរ”។ រយៈពេលនេះ ម្ចាស់ហាងសាឡនរូបនេះ អះអាងទៀតថា ចង់យកពេលសិក្សាគ្នាតទៅទៀត ក្នុងនោះក៏មិនបារម្ភដែរថា ពេលវេលាអាចធ្វើឲ្យចិត្តគូស្នេហ៍ផ្លាស់ប្ដូរ តែអ្នកនាងថា នេះវេលាពិសោធន៍មួយ។

“បើ២ឆ្នាំ ៣ឆ្នាំ គាត់ប្រែចិត្ត អីចឹងខ្ញុំដឹងតែបាយៗហើយ ព្រោះមនុស្សយើងបើអាចចាំគ្នាបាន យូរប៉ុណ្ណាក៏អាចចាំបានដែរ ហើយនៅតែស្រឡាញ់គ្នា តែបើរយៈពេលប៉ុណ្ណឹងគេបែកចិត្ត អាហ្នឹងយើងអាចចាត់ទុកថាសំណាងដែរ ព្រោះបានឃើញចរិតមនុស្សពិត”។ ចន ច័ន្ទលក្ខិណា ថ្លែង៕

អត្ថបទ៖ ទារិកា

Sunday, May 17, 2015

ចាប់ខ្លួនអ្នកកាសែត «សម្លេងសច្ចៈ» ពីបទ ចែកចាយគ្រឿងញៀន និង ជំរិតទារប្រាក់ ពីប្រជាពលរដ្ឋ

ប្រភពមកពី សប្បាយ កំពង់ធំ៖ អ្នកកាសែតត្បាញអាយម្នាក់ បម្រើការនៅ អង្គភាព «សម្លេងសច្ចៈ»ត្រូវបាន ចាប់ខ្លួនពីបទចែកចាយ ប្រើ ប្រាស់គ្រឿងញៀន និងជំរិតទារប្រាក់ពីប្រជាពលរដ្ឋនៅតាមដងផ្លូវសាធារណៈ។

អភិបាលរងខេត្តកំពង់ធំ លោក គង់ វិមាន បានឲ្យដឹងនៅព្រឹកថ្ងៃទី១៨ ខែឧសភា ឆ្នាំ២០១៥នេះថា អ្នកកាសែត ត្បាញអាយ ឈាន ដន ត្រូវបានចាប់ខ្លួននៅយប់ថ្ងៃទី១៨ ខែឧសភា ឆ្នាំ២០១៥ នៅលើគេហដ្ឋានរបស់ខ្លួន ដោយកម្លាំងអាវុធហត្ថខេត្តកំពង់ធំ ដឹកនាំដោយព្រះរាជអាជ្ញារងខេត្ត លោក សាយ ណូរ៉ា។

លោក គង់ វិមាន បានបញ្ជាក់ថា ជនសង្ស័យ ញាន ដន និងបក្ខពួកមួយចំនួនទៀត តែងតែស្ទាក់បើករថយន្ត ដេញតាមគោយន្ត ឬ ម៉ូតូ ដឹកឈើធ្វើផ្ទះ និងកសិផលផ្សេងៗ ពីប្រជាពលរដ្ឋតាមដងផ្លូវ តាមរយ:ការប្រើកាមេរ៉ា ជាអាវុធ ដោយមិនខ្លាចច្បាប់ ឬសមត្ថកិច្ច អាជ្ញាធរនោះឡើយ។

លោក គង់ វិមាន បានបន្តទៀតថា ក្រុមទាំងនេះ បានដាក់គោលដៅ អង្គុយក្នុងរថយន្ត ពីចំណុចព្រំប្រទល់ ខេត្ត ព្រះវិហារ មកទីរួមខេត្តកំពង់ធំ និងពីចំណុចសណ្តាន់ មកទីរួមខេត្ត ពោលពួកគេ មិនបានផ្សាយព័ត៌មានបង្ហាញ ពីការជួយសង្គមជាតិ និងការរីកចម្រើននោះឡើយ ក្រៅតែពីអង្គុយស្ទាក់សម្លុតគំរាមកំហែង ចាំយកលុយពីប្រជាពលរដ្ឋ។

បើតាមលោក គង់ វិមាន ក្រុមពួកគេទាំងនេះ ក៏មានទីភ្នាក់ងារទូរទស្សន៍ខ្លះផងដែរ ហើយជួនកាលនាំគ្នាទៅយក លុយពីអ្នកនេសាទ ពីចន្លោះ១០ ទៅ៣០លានរៀលឯណោះ ។ យ៉ាងណាក៏ដោយលោក គង់ វិមាន បានបង្ហាញ ពីវិធានការតាមចាប់ខ្លួនបក្ខពួក និងដៃជើងក្រុមនេះនោះទេ។ ក្រោយការចាប់ខ្លួន អ្នកកាសែតរូបនេះ ត្រូវបានឃុំខ្លួននៅទីបញ្ជាការដ្ឋានកងរាជអាវុធហត្ថខេត្ត និងកសាងសំណុំរឿងបញ្ជូនទៅតុលាការ៕

ដៃគូស្រីទាំង ១០ របស់ Rain ក្នុងរយៈពេល ១៣ឆ្នាំចុងក្រោយ

គិតមកដល់ពេលនេះ គឺ១៣ឆ្នាំហើយ ដែលតារាចម្រៀង និងសម្ដែងកូរ៉េ Rain (Jung Ji Hoon) បានប្រឡូកក្នុងអាជីពសិល្បៈ។ ក្នុងរយៈពេលនេះ Rain បានផ្លាស់ប្ដូរដៃគូសម្ដែងជាច្រើននាក់ ដែលម្នាក់ៗសុទ្ធតែជាតារាល្បី និងមានរូបសម្រស់ស្រស់ស្អាតរៀងៗខ្លួន។ ក្នុងចំណោមដៃគូទាំង ១០ខាងក្រោមនេះ តើប្រិយមិត្តគិតថា តារាស្រីរូបណាសម្ដែងសមជាមួយ Rain ជាងគេ?

១. Gong Hyo Jin ក្នុងរឿងភាគ Sang Doo, Let’s Go To School (២០០៣)