brought to you by IT Koh Trol
ប្រភពមកពី សប្បាយ បន្ទាប់ពីឆ្លងកាត់ការប្រកួតយ៉ាងស្វិតស្វាញ ពេលនេះដំណើរឆ្ពោះទៅគ្រងខ្សែក្រវាត់របស់ភេសជ្ជៈខារ៉ាបាវដែលតែងតែប្រកួតរៀងរាល់ថ្ងៃអាទិត្យនៅសង្វៀនទូរទស្សន៍បាយ័នស្ទឹងមានជ័យបានរកឃើញបេក្ខភាពឆ្លងមកកាន់វគ្គពាក់កណ្ដាលផ្ដាច់ព្រ័ត្រហើយ។
កីឡាករ កែវ រំចង់
ក្រោយឆ្លងកាត់ម្នាក់ ៤ ប្រកួតក្នុងវគ្គសន្សំពិន្ទុឃើញថាកីឡាករកម្ពុជា ២ រូបមានពិន្ទុខ្ពស់គឺ កែវ រំចង់ និង ឡុង សុភី ។ ចំណែកកីឡាករឆ្លងដែនមកពីប្រទេសថៃវិញគឺជើងខ្លាំងកម្ពស់ខ្ពស់ Rareung Lukchampacha និងជើងខ្លាំង Tilek Pithak ។ កីឡាករទាំង ៤ នាក់នេះនឹងត្រូវដណ្ដើមខ្សែក្រវាត់ខារ៉ាបាវបន្តក្នុងវគ្គពាក់កណ្ដាលផ្ដាច់ព្រ័ត្រដើម្បីស្វែងរកជើងឯកគ្រងខ្សែក្រវាត់ដែលមានទឹកប្រាក់ ៥ ពាន់ដុល្លារសម្រាប់ជើងឯក។
បួនប្រកួតរបស់កែវ រំចង់ គឺប្រកួតទីមួយយកឈ្នះកីឡាករថៃ Rareung Lukchampacha។ ចំណែកប្រកួតទី ២ គេបានផ្ដួល Sarm Dieng Petch Nop kav ជាកីឡាករដូរជំនួស Sam San Sorsamphong ។ ខណៈការប្រកួតក្នុងជុំទី ៣ របស់គេគឺទទួលបាន ៣ ពិន្ទុដោយស្វ័យប្រវត្តិព្រោះកីឡាករ SINGHA THORNGNOY ត្រូវគ្រូពេទ្យពិនិត្យឃើញថាមិនអាចប្រកួតបានព្រោះមានរបួស និងប្រកួតទីបួនយប់មិញនេះកីឡាករកម្ពុជារួបនេះបានយកឈ្នះ Tilek Pithak ដោយពិន្ទុ។
ចំពោះកីឡាករ ឡុង សុភី វិញបួនប្រកួតរបស់គេគឺប្រកួតទី ១ ចាញ់ពិន្ទុកីឡាករថៃ Tilek Pithak ។ ចំណែកប្រកួតទី ២ កីឡាករកម្ពុជារូបនេះបានយកឈ្នះកីឡាករថៃ SINGHA THORNGNOY ហើយប្រកួតទី ៣ គេបានយកឈ្នះកីឡាករ Sarm Dieng Petch Nop kav និងប្រកួតទី ៤ គឺយកឈ្នះ Rareung។
កីឡាករ ឡុង សុភី
សម្រាប់កីឡាករឆ្លងដែនមកពីប្រទេសថៃ Rareung ប្រកួតក្នុងវគ្គសន្សំពិន្ទុជុំទីមួយបានចាញ់ពិន្ទុ កែវ រំចង់ ។ ចំណែកប្រកួតទី២ គេបានផ្ដួល វង្ស ណយ ក្នុងទឹកទី ៤ ហើយប្រកួតទី ៣ កីឡាករថៃរូបនេះបានយកឈ្នះ ម៉ឺន សុភា និងប្រកួតទី ៤ ប្រកួតចាញ់ ឡុង សុភី ។
កីឡាករ Rareung Lukchampacha
សម្រាប់ ៤ ប្រកួតរបស់ Tilek Pithak វិញប្រកួតទី ១ ឈ្នះ ឡុង សុភី ប្រកួតទី ២ ចាញ់ពិន្ទុ ម៉ឺន សុភា ប្រកួតទី ៣ ចាញ់ វង្ស ណយ និង ប្រកួតទី ៤ ចាញ់ កែវ រំចង់ ។
កីឡាករ Tilek បង្គោល ខៀវ
No comments:
Post a Comment