brought to you by IT Koh Trol
ប្រភពមកពី សប្បាយ ថ្មីៗនេះ តារាចម្រៀងលំដាប់កំពូល ព្រាប សុវត្ថិ បានទទួលស្គាល់ពីការធ្លាក់ចុះនៃទឹកដមសំឡេង មួយរយៈក្រោយនេះ ខណៈវ័យកាន់តែជ្រេទៅមុខទៅហើយ។
លោកបានបញ្ជាក់ថា៖ “ឥឡូវបែកជាងពីមុន ព្រោះប្រអប់សំឡេងក៏ធំជាងមុន ហើយសំឡេងក៏ផ្លាស់ប្ដូរទៅតាមហ្នឹងដែរ”។ តារាចម្រៀងរូបនេះបានបន្ថែមថា ការចូលប្រឡូកក្នុងវិស័យចម្រៀងដំបូងសំឡេងរបស់លោកក្រអួនធ្ងន់ណាស់ អាចស្រែកបត់បែនបានដោយសេរី ដែលធ្វើឱ្យប្រជាប្រិយភាពរបស់លោកស្ទុះឡើងយ៉ាងឆាប់រហ័សក្នុងរយៈពេលដ៏ខ្លី និង ទទួលស្គាល់ទូទាំងប្រទេស។
ទោះបីជាសំឡេងប្រែប្រួលយ៉ាងណាក៏ដោយ ក៏ប៉ុន្តែតារាលំដាប់ទី ១ ក្នុងផលិតកម្មហង្សមាសរូបនេះនៅតែអះអាងថា មានការយល់ច្បាស់ពីរបៀបរបបនៃការប្រើប្រាស់សំឡេងទៅតាមស្ថានភាពជាក់ស្ដែង ដើម្បីច្រៀងកំដរប្រជាពលរដ្ឋខ្មែរបន្តទៀត។ “គ្មានបារម្ភអីផង ទោះវាបែក តែយើងដឹងពីរបៀបច្រៀងវិញ ដូច្នេះ អាចស៊ីសងគ្នាបាន”។ លោកបញ្ជាក់។
ម្យ៉ាងទៀត ព្រាប សុវត្ថិ នៅតែមានបទចម្រៀងចេញច្រើនដដែល ហើយមុននេះបន្តិច បុរសកូន ៣ នាក់ ខាងលើបានបង្ហាញពីភាពសប្បាយរីករាយរបស់លោកប្រចាំឆ្នាំ ២០១៥ ផងដែរ ដោយអះអាងថា ហង្សមាសបានធ្វើឱ្យលោក និង តារាចម្រៀងផ្សេងទៀតមានការងារច្រើន។ ម្យ៉ាងទៀត ការបង្ហាញ មុខក្នុងនាមជាគណៈកម្មការកម្មវិធី Cambodia’s Got Talent និង Cambodian Idol ព្រោះបានចែករំលែកបទពិសោធន៍ទាក់ទងទៅនឹងបច្ចេកទេសច្រៀងមួយចំនួនទៅដល់អ្នកជំនាន់ក្រោយ។
ទោះបីជា ព្រាប សុវត្ថិ បានបង្ហើបពាក់ព័ន្ធទៅនឹងការប្រែប្រួលតិចតួចនៃសំឡេងយ៉ាងណាក៏ដោយ ប៉ុន្តែ លោកអះអាងថា មិនមែនជាឧបសគ្គសម្រាប់ការច្រៀងឡើយ។ លោកនៅតែអាចច្រៀងបានដដែល ខណៈការគាំទ្រក៏នៅតែមាន មិនចាញ់តារាផ្សេងទៀតឡើយ៕
so good
ReplyDelete